12.10.2026 | 15:44
Մինչև նախաքննական փուլը չավարտվի, չարժի սրա մեջ մտնել․ Սասուն Միքայելյանը՝ Շաքիի դեպքի մասին․ ՏԵՍԱՆՅՈՒԹ
Փաշինյանն ու Ծառուկյանն անցնում են շատ կոշտ փոխհրաձգության․ բռնաբարության գործի հիշեցումից մինչև հոգեկան խնդիրներ ունենալու մասին գրառումներ
Քաղաքականություն
17.09.2020 | 11:28
Երեկ ԱԺ «Լուսավոր Հայաստան» խմբակցությունը ՀՀ կրթության, գիտության, մշակույթի և սպորտի նախարար Արայիկ Հարությունյանին անվստահություն հայտնելու հարցապնդում էր ներկայացրել խորհրդարան: Նիստի ավարտին հարցապնդմանը միացավ խորհրդարանական մյուս ընդդիմադիր խմբակցությունը՝ «Բարգավաճ Հայաստանը»: Նիստի վերջում ելույթ ունենալիս ԿԳՄՍ նախարարը նշեց, թե առաջարկվող կրթական չափորոշիչներն այն մասին են, որ «Եկեղեցու տարածքում այլևս օտարի նկատմամբ սեռական բռնություն չի լինի»՝ ակնարկելով Գագիկ Ծառուկյանին վերագրվող հայտնի քրեական գործը:
Այսօր թեման շարունակելով գրառում է կատարել նաև ՀՀ վարչապետ Նիկոլ Փաշինյանը: «Դժվար է չհամաձայնել ԿԳՄՍ նախարարի հետ. Սկզբից օտարերկրացի կանանց հրավիրում ես եկեղեցի ցույց տալու: Հետո, լինելով ոստիկանության սերժանտ, եկեղեցու տարածքում խմբով բռնաբարում ես հյուրերին ու կողոպտում նրանց: Հետո զբաղվում ես ազգային արժեքների եւ ազգային ինքնության պաշտպանությամբ: Հիրավի «ազգանպաստ» գործունեություն: Աջակցել, միանշանակ աջակցել»,- գրել է վարչապետը:
Չուշացավ նաև ԲՀԿ ղեկավարրի պատասխանը. «Կարծում եմ ժամանակն է Սահմանադրությամբ հստակ ամրագրել, որ հոգեկան լուրջ խնդիրներ ունեցող անձինք իրավունք չունենան զբաղեցնել քաղաքական բարձրագույն պաշտոններ՝ վտանգելով երկրի և ՀՀ քաղաքացիների անվտանգությունը»:
