09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Թեկուզ դիմակով, բայց դասարանում. Արագածոտնի աշակերտները ուրախ են դպրոցների վերաբացման համար. ՏԵՍԱՆՅՈՒԹ
Հասարակություն
16.09.2020 | 22:41
Եթե ընտրել առցանց ու առկա դասերի միջև, Արագածոտնի Թալին, Կաթնաղբյուր ու Դավթաշեն բնակավայրերի դպրոցականները միանշանակ կողմ են ավանդական մեթոդին։ Արդեն երկու-երեք օր է` նրանք դպրոց են գնում որոշ սահմանափակումներով։
Չնայած կորոնավիրուսային վտանգին աշակերտները կողմ են հենց այս ձևով դասերի անցկացմանը։ Թալինի երկրորդ հիմնական դպրոցի ֆրանսերենի ուսուցչուհի մադամ Մանիկ Հարությունյանն էլ անհրաժեշտ է համարում դասի կենդանի մատուցումը ու պատմում առցանցի ժամանակ եղած մի դեպքի մասին։
– Այս կրթությունը ավելի արդյունավետ կլինի, քան ինտերնետով, զումով կամ վայբերով դասերը, որ արել ենք։ Դա խայտառակություն էր, – նշում է ուսուցչուհին։
Նախորդ կիսամյակի ընթացքում ուսումը հախուռն կերպով գաղթեց համացանց։ Հապճեպությունը որոշ խնդիրներ հարուցեց, որոնց մասին ասում են երեք դպրոցների տնօրենները։ Ամեն տեղ կար աշակերտներին տեխնիկայով ապահովելու հարցը, որի լուծումը տրվել է մարզպետարանի օգնությամբ։
– Մենք օգնեցինք աշակերտներին պլանշետով, հեռախոսով, որոշ աշակերտների` ինտերնետի կապով։ Օգնեցինք, որ հնարավորինս դուրս չմնան, – նշում է Թալինի 1-ին հիմնական դպրոցի տնօրեն Գարիկ Հովհաննիսյանը։
Դպրոցները այս հարցը հասցրին լուծել։ Սակայն նույնիսկ այդ դեպքում աշակերտները, ուսուցիչներն ու տնօրենները հուսով են, որ առցանց ուսմանը վերադարձ չի լինի։
Մանրամասները՝ տեսանյութում:
