14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Վրաստանի մասնավոր դպրոցներն ու բուհերը նույնպես անցնելու են հեռավար ուսուցման
Քաղաքականություն
12.09.2020 | 16:42
Այն ուսումնական հաստատությունները, որոնք արդեն սկսել են ուստարին, պետք է անցնեն հեռավար ուսուցման մեթոդի. գրում է aliq.ge-ն:
Որոշումը վերաբերում է ինչպես մասնավոր դպրոցներին, այնպես էլ բարձրագույն ուսումնական հաստատություններին: Խոսքն այն կրթական հաստատությունների մասին է, որոնք գործում են սեպտեմբերի 1-ից:
Նախատեսվում էր Վրաստանում նոր ուստարին մեկնարկել սեպտեմբերի 15-ին, սակայն համաճարակային իրավիճակի վատթարացմամբ պայմանավորված` կառավարությունը որոշում է կայացրել, որ երկրի խոշոր քաղաքներում մինչև հոկտեմբերի 1-ը ուսուցումը հեռավար կլինի: Մնացած բնակավայրերի դպրոցներում ուստարին կմեկնարկի սեպտեմբերի 15-ին:
Կրթության, գիտության, սպորտի, երիտասարդության նախարարությունը հայտարարել է, որ ամռան ընթացքում կարևոր քայլեր են արվել հեռավար կրթության զարգացման ուղղությամբ, ու այժմ երկրի կրթական համակարգը պատրաստ է, որ դասերը կազմակերպվեն ինչպես դպրոցում, այնպես էլ առցանց:
Շարունակվելու է «Հեռուստադպրոց» նախագիծը, արդեն ձայնագրված են 1-ից 12-րդ դասարանների հեռուստադասերը: Դասերը հեռարձակվելու են նաև հայերեն և ադրբեջաներեն` Վրաստանում բնակվող էթնիկ փոքրամասնությունների համար: Այս տարվա նորամուծություններից է էլեկտրոնային դասամատյանը, որի միջոցով հնարավորություն կլինի գնահատել աշակերտին, գրանցել նրա հաճախելիությունը:
Ամռանը Աջարիա այցելած մոտ 2100 մանկավարժներ կորոնավիրուսի թեստ են հանձնելու: Դպրոցներն արդեն ապահովված են դիմակներով, ախտահանող նյութերով, ջերմաչափիչ սարքերով:
