08.11.2024 | 14:29
Տպավորություն ունեմ՝ ընտրական համակարգում առկա «փիղը» շատերի համար տեսանելի չէ․ Լևոն Բարսեղյան․ ՏԵՍԱՆՅՈՒԹ
Հնդկաստանում մեկ օրում ավելի քան 7 հազար նոր դեպք է հաստատվել. ԹԱՐՄ ՏՎՅԱԼՆԵՐ
Քաղաքականություն
05.09.2020 | 17:11
Աշխարհում նոր տիպի կորոնավիրուսային վարակի՝ COVID-19-ի հաստատված դեպքերի թիվն անցել է 26 մլն 812 հազարը: «Արմենպրես»-ի փոխանցմամբ՝ կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 879 հազարը, ապաքինվել է ավելի քան 18 մլն 921 հազար մարդ:
Վիրուսով վարակվածների թվով առաջին տեղում գտնվող ԱՄՆ-ում կա 6 մլն 389 հազար 413 հաստատված դեպք: Մահացածների թիվը 192 հազար 132 է: Այս ցուցանիշով ևս ԱՄՆ-ն առաջինն է աշխարհում: Թե ընդհանուր ցուցանիշով, թե մահերի թվով երկրորդ տեղում է Բրազիլիան, որտեղ հաստատված դեպքերի թիվը հասել է 4 մլն 91 հազար 801-ի, մահերինը՝ 125 հազար 584-ի: Վարակվածների թվով երրորդ տեղում Հնդկաստանն է: Այս երկրում ընդհանուր դեպքերի թիվը հասել է 4 մլն 27 հազար 718-ի, մահերինը՝ 69 հազար 668-ի: Վերջին 24 ժամում Հնդկաստանում 7 հազար 479 դեպք է հաստատվել: Չորրորդ տեղում Ռուսաստանն է, որտեղ ընդհանուր առմամբ կորոնավիրուսով վարակվել է 1 մլն 20 հազար 310 մարդ, մահացել 17 հազար 759 մարդ: Այստեղ վերջին մեկ օրում գրանցվել է 5 հազար 205 նոր դեպք: Հնգյակը եզրափակում է Պերուն, որտեղ հաստատված դեպքերի թիվը 676 հազար 848 է, մահերինը՝ 29 հազար 554:
Մեքսիկայում վերջին 24 ժամում մահացել է 522 մարդ, հաստատվել 6196 նոր դեպք: Այստեղ ընդհանուր հաստատված դեպքերի թիվը հասել է 623 հազար 90-ի:
Իրանում հաստատված դեպքերի ընդհանուր թիվը 382 հազար 772 է: Վարակի հետանքով մահերի թիվը կազմում է 22 հազար 44: 276 հազար 555 է, այստեղ վարակի հետևանքով մահացել է 6 հազար 564 մարդ: Վրաստանում հաստատված դեպքերի թիվը հասել է 1621-ի: Վարակի բռնկումից ի վեր Վրաստանում մահացել է 19 մարդ: Վարակի ծագման երկիր Չինաստանում հաստատված ընդհանուր դեպքերի թիվը մեկ օրում ավելացել է 10-ով: Ներկայում Չինաստանում վարակի ընդհանուր դեպքերի թիվը դարձել է 85 հազար 112, որից ապաքինվել է 80 հազար 284-ը: Մահերի թիվը կազմում է 4 հազար 634:
Արաբական երկրներից Սաուդյան Արաբիայում հաստատվել է ընդհանուր 319 հազար 141 դեպք: Իրաքում հաստատված դեպքերի թիվը հասել է 252 հազար 75-ի, Կատարում՝ 119 հազար 637-ի, Եգիպտոսում՝ 99 հազար 582-ի: Լիբանանում կա ընդհանուր 19 հազար 490 դեպք, մահացության ցուցանիշը կազմում է 183: Սիրիայում վարակվածների թիվը հասել է 3041-ի, վարակի հետևանքով մահացել է 127 մարդ:
