19.09.2026 | 14:07
Թրամփը ստորագրել է Ռուսաստանի դեմ «դժոխային պատժամիջոցների» օրենքը
Facebook-ը փոփոխություններ է իրականացնում իր կայքում ԱՄՆ-ի ընտրություններից առաջ
Քաղաքականություն
05.09.2020 | 19:17
Facebook-ը հայտարարել է, որ ԱՄՆ-ի նախագահական ընտրություններին նախորդող մեկ շաբաթվա ընթացքում դադարեցնելու է քաղաքական նոր գովազդների ընդունումը` հարգելով այն մտահոգությունները, որոնց համաձայն ազատ խոսքի նման դրսևորումը կարող է ներգործել ընտրողների վրա:
Ըստ Ամերիկայի ձայնի՝ աշխարհում սոցիալական ամենամեծ այս ցանցը նաև հայտարարել է, թե ստեղծում է մի պիտակ այն թեկնածուների կամ նրանց ընտրարշավի թիմերի համար, որոնք կփորձեն մինչև ընտրությունների արդյունքի մասին պաշտոնական հաղորդումը, հայտարարել իրենց հաղթանակի մասին:
Ինչպես ցանցի գլխավոր գործադիր նախագահ Մարք Ցուկերբերգն է ասել, ինքը մտահոգված է ԱՄՆ-ում ժողովրդի շրջանում տիրող անհամաձայնություններով: «Մտահոգված եմ, որ ընտրությունների արդյունքը հրապարակելու համար անհրաժեշտ մի քանի օրվա կամ շաբաթների ընթացքում կարող են սկսվել քաղաքացիական անհանգստություններ»,- ասել է նա:
Ցուկերբերգը նախկինում պաշտպանում էր իր այն որոշումը, որը թույլ էր տալիս քաղաքական ազատ քննարկումներ Ֆեյսբուքում, այդ թվում վճարովի գովազդների միջոցով:
Նոր որոշման համաձայն, Facebook-ը թույլ կտա քարոզարշավի թիմերին ու անհատներին շարունակել քաղաքական այն գովազդները, որոնք արդեն իսկ առկա են այս սոցցանցում: Սակայն կարգելի այդ գովազդների բովանդակության մեջ ու արտաքին տեսքում որևէ փոփոխություն:
