Հասարակություն
01.09.2020 | 13:08Աշխարհազորի ստեղծումը դեռևս չի նշանակում, որ փողոցներում զինված անձիք են շրջելու։ Պատասխանելով Factor.am-ի հարցին ասաց ՀՀ պաշտպանության փոխնախարար Գաբրիել Բալայանը։
Հիշեցնենք, որ վերջին օրերին նման մտահոգություններ էին հնչեցվում։ Բալայանի խոսքով` նման մեկնաբանություններով են հանդես գալիս որոշ իրավապաշտպաններ ու ռազմական մեկնաբաններ, ինչը վկայում է այն մասին, որ նրանք նախագիծը չեն ընթերցել․
«Ներգրավումը տեղի է ունենալու բացառապես ռազմական գործողությունների, ռազմական անմիջական սպառնալիքի առկայության դեպքում։ Այսինքն` այդ զենքն ու սպառազինությւնը բաժանվելու է աշխարհազորում ցուցադրված քաղաքացիական անձանց միայն անմիջական վտանգի դեպքում»,– ասաց Բալայանը։
Պաշտոնյան ընդգծեց, որ խաղաղ պայմաններում զենքը որևէ մեկի ձեռքին չի հայտնվի, անդրադառնալով վարձատրությանը, բալայանը շեշտեց, որ հավաքագրման ժամանակ խաղաղ պայմաններում գործընթացը կամավոր բնույթ է կրելու,սակայն մարտական գործողությունների ժամանակ, զորակոչվելուց հետո արդեն կլինեն համապատասխան սոցիալական երաշխիքներ։
Բալայանը նշեց, որ սա կատարվել է նրա համար, որպեսզի մարտական գործողությունների ժամանակ առանձին խմբեր չձևավորվեն և փորձեն ինքնուրույն գնալ առաջնագիծ, քանի որ այդկերպ ոչ թե օգնում այլ խանգարում են, իսկ աշխարհազորի դեպքում արդեն ամեն ինչ կլինի համակարգված։
Մանրամասները՝ տեսանյութում։
