10.08.2026 | 10:56
Ռուսական զորքերն ավիառումբերով հարվածել են Սումիին․ վիրավորներ կան
Հնարավոր և անհնար ամեն ինչ արվում է․ ՊՆ փոխնախարարը՝ գերիների մասին. ՏԵՍԱՆՅՈՒԹ
Հասարակություն
01.09.2020 | 12:36
Պաշտպանության նախարարությունը ՀՀ ԶՈՒ սպա Գուրգեն Ալավերդյանին Հայաստան վերադարձնելու համար անում է ամեն հնարավորն ու անհնարը։ Այս մասին, պատասխանելով Factor.am-ի հարցին, ասաց պաշտպանության փոխնախարար Գաբրիել Բալայանը։
Հիշեցնենք, որ օրերս, ըստ նախնական վարկածի՝ զինծառայող Գուրգեն Ալավերդյանը մոլորվել է և հայտնվել ադրբեջանական կողմում։ Պաշտպանության նախարար Դավիթ Տոնոյանը նախօրեին հայտնել էր, որ ծառայողական քննություն է իրականացվում՝ պարզելու համար՝ զինծառայողն իսկապե՞ս մոլորվել է, թե՞ նրան առևանգել են։
Գաբրիել Բալայանը նշեց, որ այս պահին միայն կարող է հայտնել, որ քննությունը շարունակվում է․ «Այս փուլում կարևոր է, որպեսզի համոզվենք` նրա առողջությանն ու կյանքին վտանգ չի սպառնում։ Մնացածն ընթացակարգային հարցեր են»։
Մանրամասները՝ տեսանյութում։
Լիլիթ Շաբոյան
