01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Բաքվում բողոքի ցույց է անցկացվում երկրում թուրքական ռազմաբազա ստեղծելու պահանջով
Քաղաքականություն
28.08.2020 | 19:17
Բաքվում Թուրքիայի դեսպանատան առջև այսօր ադրբեջանցիները ցույց են կազմակերպել՝ երկրում թուրքական ռազմաբազա ստեղծելու պահանջով։ Այն ուղիղ եթերում ցուցադրվում է ադրբեջանական մի շարք կայքերի ֆեյբուքյան էջերում։ Հավաքվածները, որոնք թուրքական ու ադրբեջանական դրոշներով են, պահանջում են, որ թուրքական բանակը մնա Ադրբեջանում։ Ցուցարարների շրջանում գրեթե երիտասարդներ չկան, հիմնականում գերակշռում են միջինից բարձր տարիքի կանայք ու տղամարդիկ։
Նշենք, որ ավելի վաղ մենք արդեն տեղեկացրել էինք, որ Ադրբեջանում թուրքական ռազմաբազա ստեղծելու պահաջով ցույցեր են անցկացվելու։
Հաշվի առնելով այն հանգամանքը, որ Ադրբեջանում մեծամասշտաբ ցույցերի անցկացումը հնարավոր է միայն իշխանությունների թույլտվությամբ, ենթադրելի է այս ցույցը ևս բացառություն չէ։
Հիշեցնենք, որ հայ-ադրբեջանական սահմանի Տավուշի հատվածում ընթացող մարտերի ժամանակ, հուլիսի 14-ին էր Բաքվում բանակի աջակցության մեծամասշտաբ ցույց կազմակերպվել, որը ինչպես հետագայում ասել էր Ադրբեջանի նախագահ Իլհամ Ալիևը, եղել է իր գիտությամբ։
Հավելենք, որ թուրք-ադրբեջանական համատեղ լայնամասշտաբ զորավարժություններից հետո Ադրբեջանում ակտիվորեն խոսվում է, որ երկրում թուրքական ռազմաբազայի ստեղծման հարցն արդեն լուծված է և որ նույնիսկ կողմերի միջև կնքվել են գաղտնի փաստաթղթեր։
Բացի այդ տարբեր տեղեկություններով՝ զորավարժությունների համար Ադրբեջան բերված թուրքական ռազմատեխնիկայի որոշ մասը դեռ Ադրբեջանում է։
Էմմա Չոբանյան
