10.08.2026 | 10:56
Ռուսական զորքերն ավիառումբերով հարվածել են Սումիին․ վիրավորներ կան
Ռազմական համաժողովի ժամանակ տեղի են ունեցել ավիացիայի ցուցադրական թռիչքներ
28.08.2020 | 15:46
Հայաստանի մայրաքաղաք Երևանում «Բանակ-2020» Միջազգային ռազմատեխնիկական համաժողովի շրջանակում սպառազինության և ռազմական տեխնիկայի հնարավորությունների ստատիկ և դինամիկ ցուցադրության ժամանակ «Էրեբունի» ավիացիոն բազայում կայացել է ավիացիայի ցուցադրական թռիչք. այս մասին հայտնում են Հարավային ռազմական օկրուգի մամուլի ծառայությունից:
Սպառազինության և ռազմական տեխնիկայի ժամանակակից նմուշների ստատիկ ցուցադրությունն ավարտվել է օպերատիվ մարտավարական ավիացիայի ինքնաթիռների, ինչպես նաև ռազմական ուղղաթիռների թռիչքով:
Համաժողովի հյուրերի առջև չափազանց ցածր բարձրության վրա թռել են ՄիԳ-29 կործանիչներ, Մի-24 հարվածային ուղղաթիռներ, Մի-8ՄՏՎ տրանսպորտային-մարտական ինքնաթիռներ:
ՄիԳ-29 կործանիչների օդաչուները հյուրերին ցուցադրել են իրենց բարձր կարգը՝ կատարելով մարտական շրջադարձեր, «Նեստերովի» հանգույց, թեք հանգույցներ, «դանակ» և «կոբրա»:
Համաժողովն անց է կացվել բոլոր սանիտարական-հակահամաճարակային կանոնների պահպանմամբ, որոնք բացառում են ինֆեկցիոն հիվանդությունների տարածումը:
«Համաժողովի միջոցառումների անցկացման համար ներառվել էին Հարավային ռազմական օկրուգի 40 միավորման և զորամասի անձնակազմը: Ցուցադրական միջոցառումներին մասնակցում են ԱԻՆ տարածաշրջանային ստորաբաժանումների ներկայացուցիչները և «Ռոսգվարդիայի» մեր գործընկերները: Ընդհանուր առմամբ ներկայացվել է սպառազինության, ռազմական և հատուկ տեխնիկայի ավելի քան 12 500 նմուշ»,- հայտնել է հրամանատարը:
Համաժողովի շրջանակում միջոցառումները մեկնարկել են Ստավրոպոլի երկրամասի «Հայրենասեր» զբոսայգու տարածքում, Վլադիկավկազում, Վոլգոգրադում, Կասպիյսկում, Ինգուշեթիայում, Կաբարդինո-Բալկարիայում, Չեչնիայում և Հայաստանում, որտեղ տեղակայված է ռուսական ռազմակայանը: Ռուսական ռազմակայանի «Բանակ-2020» միջազգային ռազմատեխնիկական համաժողովը միաժամանակ կանցկացվի Հարավային ռազմական օկրուգի ողջ տարածքում օգոստոսի 27-29-ը:
