21.05.2026 | 10:39
«Ռոսսելխոզնադզորը» մայիսի 22-ից արգելել է ծաղիկների ներմուծումը Հայաստանից
Շենքի փլատակների տակից 3-րդ քաղաքացուն մահացած են գտել․ նախարար. ՏԵՍԱՆՅՈՒԹ
Հասարակություն
26.08.2020 | 13:14
Երևանի Քանաքեռ-Զեյթուն վարչական շրջանի Ռայնիսի 3 հասցեում գտնվող շենքում մասնակի փլուզումից հետո փլատակների տակից դուրս է բերվել 3-րդ քաղաքացին՝ մահացած վիճակում։ Այս մասին այսօր լագրողների հետ զրույցում տեղեկացրեց Արտակարգ իրավիճակների նախարար Ֆելիքս Ցոլակյանը։
«Ցավակցում եմ մահացածի հարազատներին։ Նրա դին նոր տեղափոխեցին շտապօգնության մեքենայով։ Հեռախոսի համարն ունեինք, փրկարարները զանգ էին տալիս, բայց նա հեռախոսից բավականին հեռու էր։ Մեր ունեցած նախնական տեղեկություններով փլատակների տակ մնացած քաղաքացիներ այլևս չկան»,- նշեց նախարարը։
Վերջինիս խոսքով՝ շենքի առաջին, երկրորդ և երրորդ մուտքերն ամբողջովին ապահով են, իսկ 4-րդ մուտքի հետ կապված կասկածներ կան դեռևս։ Շենքի 5-րդ մուտքն ամբողջությամբ փլուզվել է։ Նշենք, որ փլատակների տակից դուրս բերված 2 քաղաքացիները գտնվում են հիվանդանոցում։ Շենքն ամբողջությամբ տարհանված է։
Մանրամասները՝ տեսանյութում։
