03.06.2026 | 15:35
ՆԱՏՕ-ի գլխավոր քարտուղար Մարկ Ռյուտեն չհայտարարված այցով Կիևում է
Վահան Մարտիրոսյանն ընդունել է հեռահաղորդակցության ոլորտում մասնագիտացած «ZTE» չինական կորպորացիայի ներկայացուցիչներին
Տնտեսություն
05.12.2017 | 19:29
ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանն ընդունեց հեռահաղորդակցության ոլորտում մասնագիտացած «ZTE» չինական կորպորացիայի ներկայացուցիչներին` փոխնախագահ Սյուե Բինի գլխավորությամբ։
Հյուրերը ներկայացրին ընկերության այս տարվա գործունեությունը, գրանցած հաջողությունները։ Սյուե Բինը հայտնեց, որ ընկերության եկամուտը 2017թ.-ի երրորդ եռամսյակի դրությամբ կազմել է 12 միլիարդ դոլար, որի 10 տոկոսը հատկացվում է գիտահետազոտական ծրագրերին (R&D)։
Ընկերությունը մասնավորապես կենտրոնացած է 5G ստանդարտի զարգացման վրա։
Հայաստանում ընկերությունն ունի միայն վաճառքի ներկայացուցչություն, մի քանի պայմանագրերով աշխատում են հայաստանյան հեռահաղորդակցության 2 օպերատորների հետ` IP հեռուստատեսային ծառայությունների և այլ ոլորտներում։
Նախարարն առաջարկեց «ZTE» ներկայացուցիչներին R&D լաբորատորիա հիմնել նաև Հայաստանում` հաշվի առնելով մեր երկրում նախադրյալների և բարձրակարգ մասնագետների առկայությունը։
Վահան Մարտիրոսյանը նաև Կառավարության կողմից աջակցության պատրաստակամություն հայտնեց, եթե ընկերությունը որոշի լայնամասշտաբ որևէ ծրագիր իրականացնել Հայաստանում։
Հանդիպման ընթացքում քննարկվեց նաև տարածաշրջանային Data center-ի (տվյալների մշակման կենտրոնի) ստեղծման նախագիծը։ Նախարարն ասաց, որ ուրախ կլինի, եթե «ZTE»-ն որևէ ձևաչափով մասնակցի այս ծրագրի իրագործմանը։
