24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Ամերիկյան ընկերության դեղամիջոցը կարող է կրճատել COVID-19-ի բուժման ժամկետը
Քաղաքականություն
18.08.2020 | 22:33
COVID-19-ի թոքաբորբով հիվանդներն ավելի արագ են ապաքինվել Vanda Pharmaceuticals-ի փորձնական դեղամիջոցի շնորհիվ: Այս մասին տեղեկացնում է ամերիկյան դեղագործական ընկերությունը, որի բաժնետոմսերը բորսայում նախօրեին աճել են 10 տոկոսով. գրում է VOA-ն:
Ընկերությունն այժմ պլանավորում է ավելի մեծ ծավալի փորձարկումներ անցկացնել՝ պարզելու համար, թե արդյոք դեղամիջոցը իրականում օգնում է թոքաբորբով հիվանդներին: Նախատեսվում է անցկացնել փորձարկումներ 300 հիվանդների վրա:
60 հիվանդների ուսումնասիրությունը պարզել է, որ դեղամիջոցի 14 օրվա ընդունումը օգնում է հիվանդին ավելի արագ ապաքինվել, բուժման գործընթացը հասցնելով յոթ օրվա:
Vanda Pharmaceuticals-ը արտոնագիր է ստացել Eli Lilly- ի ընկերությունից: Դեղամիջոցը փորձարկվում է նաև ստամոքսի որոշ հիվանդություններ բուժելու համար:
