15.12.2025 | 21:51
Ռուսաստանում Pussy Riot խումբը հայտարարվել է «ծայրահեղական կազմակերպություն»
Դրսում քայլելիս այնպիսի տպավորություն է, ասես ջեռոցի մեջ ես. «Մահվան հովտում» գրանցվել է ամենաբարձր ջերմաստիճանը
Քաղաքականություն
18.08.2020 | 11:41
ԱՄՆ Կալիֆոռնիա նահանգի «Մահվան հովիտ» ազգային պարկում գրանցվել է Երկրի ամենաբարձր ջերմաստիճանը` 54.4°C (130°F), հաղորդում է BBC-ին:
Ջերմաստիճանի բարձրացման պատճառով Կալիֆոռնիայում երկու օր հոսանքազրկումներ են եղել այն բանից հետո, երբ էլեկտրակայաններից մեկում անսարքություն է արձանագրվել:
«Սաստիկ շոգ է, տաքությունը խփում է հենց դեմքիդ»,-BBC–ի հետ զրուցում ասել է ազգային պարկի աշխատակից Բրենդի Ստյուարտը:
Արդեն 5 տարի է՝ Բրենդին բնակվում և աշխատում է «Մահվան հովտում»: Օգոստոսին ժամանակի մեծ մասը ստիպված է լինում անցկացնել շենքի ներսում, քանի որ «դրսում մնալը պարզապես անհնար է»:
«Դրսում քայլելիս այնպիսի տպավորություն է, ասես ջեռոցի մեջ ես»,- ասում է նա:
Նախորդ ռեկորդային բարձր ջերմաստիճանը՝ 54°C, դարձյալ «Մահվան հովտում» է գրանցվել 2013 թ-ին: Ըստ որոշ աղբյուրների՝ 1913թ-ին «Մահվան հովտում» օդի ջերմաստիճանը հասել է 56.6°C-ի: Ինչևէ, ժամանակակից գիտնականները կասկածի տակ են առնում այս տեղեկությունը՝ ասելով, որ ինչ-որ սխալ է թույլ տրվել:
