04.02.2026 | 15:00
Ինչ է քննարկել Փաշինյանն Ալիևի հետ // Գալյանի պնդմամբ՝ մարտին նոր Սահմանադրությունը պատրաստ կլինի․ ԼՈՒՐԵՐ
ԵՄ-ն կքննարկի Բելառուսում ստեղծված իրավիճակը
Քաղաքականություն
17.08.2020 | 16:27
Չորեքշաբթի օրը ԵՄ երկրների ղեկավարները կհանդիպեն՝ քննարկելու Բելառուսում տեղի ունեցող իրադարձությունները: Այս մասին իր twitter-ի էջում հայտնել է Եվրախորհրդի ղեկավար Շառլ Միշելը. գրում է Gazeta.ru-ն:
«Բելառուսի ժողովուրդն իրավունք ունի որոշելու իր ապագան և ընտրելու իր առաջնորդին: Ցուցարարների դեմ բռնությունն անընդունելի է»,- գրել է Շառլ Միշելը:
Բելառուսում օգոստոսի 9-ին կայացած նախագահական ընտրություններից հետո շարունակվում են բողոքի ակցիաները, որոնց մասնակիցներն իրենց դժգոհությունն են արտահայտում ընտրությունների արդյունքներից, որոնց համաձայն՝ գործող նախագահ Ալեքսանդր Լուկաշենկոն վերընտրվել է 6-րդ անգամ՝ ստանալով ձայների ավելի քան 80%-ը, իսկ նրա հիմնական մրցակից Սվետլանա Տիխանովսկայան ստացել է ձայների շուրջ 10%-ը։ Երեկ երկրում տեղի է ունեցել ամենազանգվածայինն ցույցը, որին մասնակցելէ ավելի քան 200 000 քաղաքացի։ Այսօր Բելառուսում մեկնարկել է համազգային գործադուլ:
