04.02.2026 | 15:00
Ինչ է քննարկել Փաշինյանն Ալիևի հետ // Գալյանի պնդմամբ՝ մարտին նոր Սահմանադրությունը պատրաստ կլինի․ ԼՈՒՐԵՐ
Մինչև ինձ չսպանեք, նոր ընտրություն չի լինի. Լուկաշենկո
Քաղաքականություն
17.08.2020 | 14:53
Մինսկի անվակցորդների գործարանի (ՄԶԿՏ) աշխատակիցներն այսօր Բելառուսի նախագահ Ալեքսանդր Լուկաշենկոյին դիմավորել են «Հեռացի՛ր» վանկարկումներով, հաղորդում է meduza.io-ը՝հղում անելով Nexta Live թելեգրամյան ալիքին։
«Շնորհակալ եմ»,- ի պատասխան ասել է Լուկաշենկոն: «Իմ պատասխանը հետևյալն է. դուք դեռ կարող եք բղավել»:
Լուկաշենկոն գործարան էր ժամանել ուղղաթիռով: Ինչպես հայտնում է Tut.by-ը Բելառուսի նախագահը նախ խոսել է արտադրամասերից մեկում`հատուկ ընտրված մարդկանց փոքր խմբի առջև: Այդ ընթացքում գործարանի մնացած աշխատակիցները նրան սպասել են մեկ այլ վայրում:
Իր ելույթում Լուկաշենկոն նշել է, որ իրենք աշխատում են սահմանադրական փոփոխությունների վրա: Միաժամանակ նա ընդգծել է, որ երկրում նոր ընտրություններ չեն լինելու:
«Մինչև ինձ չսպանեք, նոր ընտրություն չի լինի»,- ասել է նա:
Բելառուսում օգոստոսի 9-ին կայացած նախագահական ընտրություններից հետո շարունակվում են բողոքի ակցիաները, որոնց մասնակիցներն իրենց դժգոհությունն են արտահայտում ընտրությունների արդյունքներից, որոնց համաձայն՝ գործող նախագահ Ալեքսանդր Լուկաշենկոն վերընտրվել է 6-րդ անգամ՝ ստանալով ձայների ավելի քան 80%-ը, իսկ նրա հիմնական մրցակից Սվետլանա Տիխանովսկայան ստացել է ձայների շուրջ 10%-ը։ Երեկ երկրում տեղի է ունեցել ամենազանգվածայինն ցույցը, որին մասնակցելէ ավելի քան 200 000 քաղաքացի։ Այսօր Բելառուսում մեկնարկել է համազգային գործադուլ, որին մասնակցում են նաև ՄԶԿՏ-ի աշխատակիցները:
