17.09.2026 | 15:19
ՌԴ-ն Սև ծովում հարվածել է Տանզանիայի դրոշի ներքո նավարկող նավին․ նավապետը զոհվել է
Հյուսիսային Կարոլինայում կորոնավիրուսով վարակված շունը սատկել է
12.08.2020 | 22:02
Հյուսիսային Կարոլինայի անասնաբուժական հիվանդանոցներից մեկում մեկ շաբաթ առաջ սատկած շան թեստի պատասխանը դրական է եղել, հաղորդում է Daily News-ը:
Առողջապահության ոլորտի ներկայացուցիչները նշում են, որ սա առաջին հաստատված դեպքն է Հյուսիսային Կարոլինայում, երբ շուն է կորոնավիրուսով վարակվում:
«Շունը անասնաբուժական կլինիկա է տեղափոխվել օգոստոսի 3-ին, երբ տերը նրա մոտ նկատել է շնչառական խնդիրներ»,- ասված է Հյուսիսային Կարոլինայի առողջապահության և մարդկային ծառայությունների տեսչության տարածած հաղորդագրության մեջ:
Շունը սատկել է կլինիկայում, իսկ տերը բուժհաստատության աշխատակիցներին հայտնել է, որ ընտանիքի անդամներից մեկի մոտ ավելի վաղ կորոնավիրուս է հայտնաբերվել, սակայն 2-րդ թեստի պատասխանը բացասական է եղել: Ըստ տեսչության տվյալների՝ ընտանիքի անդամներին անմիջապես տեղեկացրել են թեստի դրական արդյունքի մասին:
«Մեր ունեցած տեղեկատվություններով՝ վիրուսի՝ կենդանուց մարդուն փոխանցվելու հավանականությունը շատ ցածր է»,-ասել է անասնաբույժ Կառլ Ուիլյամսը:
Անցած ամիս Նյու Յորք նահանգում գերմանական մի հովվաշուն դարձավ ԱՄՆ-ում կորոնավիրուսով վարակված առաջին շունը: Բադդի անունով շունը սատկեց ախտորոշումից երկու ամիս անց:
Ավելի վաղ ԱՄՆ-ը տեղեկացրել էր, որ կորոնավիրուս է հայտնաբերվել առյուծի , վագրի ու կատուների մոտ։
