19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Թուրքիայի պաշտպանության նախարարն ու գլխավոր շտաբի պետն այսօր այցելում են Ադրբեջան
Քաղաքականություն
12.08.2020 | 14:35
Այսօր՝ օգոստոսի 12-ին, Թուրքիայի պաշտպանության նախարար Հուլուսի Աքարը, Գլխավոր շտաբի պետ, բանակի գեներալ Յաշար Գյուլերը և այլ բարձրաստիճան սպաներ այցով կմեկնեն Ադրբեջան։ Այս մասին տեղեկացնում է Ադրբեջանի պաշտպանության նախարարությունը։
Ադրբեջանի ու Թուրքիայի ցամաքային զորքերի ու օդուժի մարտական կրակով համատեղ լայնամասշտաբ մարտավարական ու մարտավարաթռիչքային զորավարժությունների դիտարկման օրվա ընթացքում, թուրքական զինվորական պատվիրակությունը ընդլայնված կազմով կհետևի զորավարժությունների առաջին փուլի եզրափակիչ դրվագին։
Նշենք, որ երեկ էլ պաշտոնական այցով Թուրքիայում էին Ադրբեջանի արտագործնախարար Ջեյհուն Բայրամովն ու պաշտպանության նախարար Զաքիր Հասանովը։ Նրանք հանդիպել էին Թուրքիայի նախագահ Ռեջեփ Թայիփ Էրդողանին։
