10.06.2026 | 13:12
«Ուժեղ Հայաստանի» պատգամավորի թեկնածու Գոհար Մելոյանի ասուլիսը. ՈւՂԻՂ
Արցախի Մարտունու շրջանի 20 բազմազավակ ընտանիք այս տարի բնակարան կունենա
Հասարակություն
07.08.2020 | 22:32
ԱՀ պետական բյուջեի միջոցներով Մարտունու շրջանում՝ 2020 թվականին, 20 բազմազավակ ընտանիքներ կապահովվեն բնակարաններով: Այս մասին «Արցախպրես»-ի թղթակցի հետ զրույցում ասել է Մարտունու շրջվարչակազմի աշխատակազմի քաղաքաշինության և տեղական ինքնակառավարման բաժնի վարիչ Արարատ Սուլեյմանյանը:
Նրա խոսքով՝ 12 բնակարանների նախագծեր պատրաստ վիճակում արդեն ներկայացված է ԱՀ քաղաքաշինության նախարարություն:
«Շրջանում ունենք 66 բազմազավակ ընտանիքներ: Այս տարվա ընթացքում Ճարտար քաղաքում ապրող երկու բազմազավակ ընտանիքների համար արդեն գնել ենք բնակարաններ: Ընդհանուր առմամբ, բնակարանային հարցերով Մարտունու շրջվարչակազմ է դիմել մոտ 1300 քաղաքացի: Ըստ հերթականության՝ փորձում ենք բավարարել բոլոր շահառուների հայտերը»,- մասնավորապես ասել է Ա. Սուլեյմանյանը։
Նա նաև տեղեկացրել է, որ ընթացիկ տարում շրջանի կարիքավոր ավելի քան 100 ընտանիքների տրամադրվել է շինանյութ:
