14.10.2026 | 21:57
Ծանրորդ Նարեկ Գրիգորյանը` Եվրոպայի առաջնության չեմպիոն
Ընտանիքում բռնության կանխարգելման մասին օրենքի նախագիծը կքննարկվի ԱԺ արտահերթ նստաշրջանին. «Հրապարակ»
02.12.2017 | 09:30
«Հրապարակ» օրաթերթը գրում է.
«Մեր աղբյուրների փոխանցմամբ` չնայած «Ընտանիքում բռնության կանխարգելման, ընտանիքում բռնության ենթարկված անձանց պաշտպանության եւ ընտանիքում համերաշխության վերականգնման մասին» տրանսֆորմացիա ապրած օրենքի նախագիծը ներառված է երեքշաբթի մեկնարկող ԱԺ քառօրյայում, բայց հնարավոր է տեղափոխվի կառավարության նախաձեռնությամբ դեկտեմբերի 12-ին հրավիրված արտահերթ: Այս քառօրյան շատ ծանրաբեռնված է բյուջեի նախագծով, դրան առնչվող հարակից օրենքներով, այդ թվում եւ` Ռուսաստանի կողմից Հայաստանին տրամադրվելիք 100 մլն․ դոլար վարկի համաձայնագրով:
«Ընտանեկան բռնության մասին» օրենքի քննարկումները կրկին թե՞ժ կանցնեն՝ հարցրինք ԱԺ մեր աղբյուրին։ «Չէ, օրենքը լավ վերամշակել են մեր` ՀՀԿ ֆրակցիայի կողմից, այլեւս որեւէ պրետենզիա չկա։ Բոլոր առաջարկները հաշվի են առնվել, ՀՀԿ ֆրակցիայում փակ քննարկում է եղել՝ Դավիթ Հարությունյանի ոչ մի պնդում, սկսած վերնագրից, չի անցել։ Նկատեք` վերնագրում բացակայում է «ընտանեկան բռնություն» եզրույթը, ավելացել է «համերաշխությունը», մնացել է այն, ինչ կա Քրեական օրենսգրքում»: Ի դեպ, օրենքի «ամորձատման» աշխատանքը կատարել է Հրայր Թովմասյանը։ «Նախագահականի հետ համաձայնեցված»,- ասացին: Իսկ պարոն Սվիտալսկին գոհ կմնա՞: «Պիտի որ»»:
Մանրամասները՝ թերթի այսօրվա համարում:
