18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Մարտակերտի շրջանի 30 բազմազավակ ընտանիքներ կապահովվեն բնակարաններով
Հասարակություն
06.08.2020 | 16:18
Արցախի Հանրապետության պետական բյուջեի միջոցներով Մարտակերտի շրջանի բազմազավակ 30 ընտանիքների համար ձեռք կբերվեն կամ կկառուցվեն բնակարաններ։ «Արցախպրեսի» թղթակցին այս մասին ասել է Մարտակերտի շրջվարչակազմի ղեկավար Հայկ Բախշիյանը։
Նրա խոսքով՝ հայտ ներկայացրած 8 ընտանիքների համար կգնվեն բնակարաններ, 15-ի մասով դեռևս քննարկումներ են ընթանում, իսկ մյուսների համար նոր տներ կկառուցվեն։
Նախատեսվում է ծրագիրն ավարտին հասցնել մինչև 2021 թվականը։
«Շրջանում ունենք բազմազավակ ևս 111 ընտանիք: Բնակարանային հարցերը, ինչպես բոլոր շրջաններում, այնպես էլ Մարտակերտում լուրջ է: Տարեցտարի ծնունդների թիվն ավելանում է մեր շրջանում, ինչը, իհարկե, ողջունելի է։ Սակայն, դրան զուգահեռ, պետք է կարողանանք ապահովել բնակարաններով: Բազմազավակ ընտանիքների բոլոր հայտերը կբավարարենք»,- հավելել է Բախշիյանը:
