15.06.2026 | 23:45
«Կրկնակի վանդալիզմ»․ բրոնզագույն սե՞պ հայ-ռուսական հարաբերություններում. ՏԵՍԱՆՅՈՒԹ
Խոշոր վթար Հրազդանում․ զոհեր կան
05.08.2020 | 10:00
Օգոստոսի 4-ին խոշոր ավտովթար է տեղի ունեցել Կոտայքի մարզում: Ժամը 23:40-ի սահմաններում Հրազդան քաղաքի Զորավար Անդրանիկի պողոտայում՝ «Աղբյուրակ» թաղամասից դեպի «Կենտրոն» թաղամաս ընթանալիս, Հրազդան քաղաքի բնակիչ, 40-ամյա Հովհաննես Վարդանյանը Wolksvagen Passat մակնիշի ավտոմեքենայով դուրս է եկել ճանապարհի երթեւեկելի գոտուց, բախվել բազալտե եզրաքարերին, առաջ ընթանալով՝ բախվել էլեկտրասյանը, հետո՝ հսկայական եղևենուն, հայտնում է shamshyan.com-ը։
Աղբյուրի փոխանցմամբ՝ վթարի հետևանքով ուղևորները՝ Հրազան քաղաքի բնակիչներ, 41-ամյա Կարեն Սարգսյանը և 40-ամյա Արթուր Ալեքսանյանը տեղում մահացել են, իսկ վարորդը տեղափոխվել է հիվանդանոց, որտեղ կարճ ժամանակ անց գիտակցության չգալով՝ մահացել է:
Փաստի առթիվ հարուցվել է քրեական գործ՝ ՀՀ քր օր.-ի 242 հոդվածի 3-րդ մասի (ճանապարհատրանսպորտային պատահար, որն անզգուշությամբ առաջացրել է 2 կամ ավելի մարդու մահ) հատկանիշներով:
Բախման հետևանքով էլեկտրասյունը տապալվել է, ավտեմեքենան՝ վերածվել մետաղե ջարդոնի։
