17.09.2026 | 17:33
Հովհաննես Համբարձումյանն ավարտեց կարիերան Հայաստանի հավաքականում
ԵԱՀԿ առաքելությունը Դոնբասում հրադադարի ավելի քան 200 խախտում է արձանագրել
Քաղաքականություն
02.08.2020 | 15:53
ԵԱՀԿ Հատուկ մոնիթորինգային առաքելությունը Դոնբասում հինգ օրվա ընթացքում հրադադարի ավելի քան 200 խախտում է արձանագրել։ Այս մասին գրում է DW-ի ռուսական ծառայությունը՝ վկակոչելով առաքելության հաշվետվությունը։
Դրանում նշվում է 44 պայթյունի, 180 կրակահերթի, անհայտ զինամթերքի մեկ թռիչքի մասին։ Հաշվետվության համաձայն՝ դիտորդները նախկինի պես նաև ազատ տեղաշարժի սահմանափակումների են բախվել։
Նշենք, որ լիարժեք և համապարփակ հրադադարի մասին պայմանավորվածությանը եռակողմ շփման խումբը ձեռք է բերել հուլիսի 22-ին, որն ուժի մեջ է մտել հուլիսի 27-ին։
Ուկրաինայի արևելքում վեցամյա հակամարտության ընթացքում ավելի քան 14 հազար մարդ է զոհվել։
