11.05.2024 | 17:18
Վահագն Խաչատուրյանը Լոս Անջելեսում հանդիպել է իրանահայերի և իրաքահայերի միությունների ներկայացուցիչների հետ
«Գյուլենական շարժումը չենք դիտում որպես ահաբեկչական կազմակերպություն». ԵՄ
Քաղաքականություն
30.11.2017 | 20:16
Եվրամիության (ԵՄ) ահաբեկչության դեմ պայքարի գծով հանձնակատար Ժիլ դը Կերշովը հայտարարել է, որ ԵՄ-ը չի կիսում Թուրքիայի տեսակետը գյուլենական շարժումն ահաբեկչական կազմակերպություն համարելու հարցում:
«Մենք այդ շարժումը ահաբեկչական կազմակերպություն չենք համարում և մոտ ապագայում ԵՄ-ի դիրքորոշումը չի փոխվի»,- ըստ թուրքական «T24.com.tr» լրատվական կայքի՝ «Reuters»-ին տված հարցազրույցում ասել է Կերշովը:
Վերջինս նշել է, որ դիքորոշման փոփոխություն ակնկալելու համար ԵՄ-ին նախ պիտի առարկայական փաստեր ներկայացվեն:
«Ոչ թե հեռախոսային հավելված (գյուլենականների հեռախոսներում հայտնաբերված ByLock ծածկագրային հավելված) օգտագործելու պես անուղղակի փաստեր, այլ կոնկրետ, առարկայական փաստեր են հարկավոր, որոնք կապացուցեն, որ գյուլենականները կապ ունեն հեղաշրջման փորձի հետ»,- շեշտել է ԵՄ պաշտոնյան:
Նշենք, որ Թուրքիայի կառավարությունը 2016-ի հուլիսի 15-ին երկրում տեղի ունեցած հեղաշրջման փորձի գլխավոր պատասխանատու է հայտարարել Ֆեթուլլահ Գյուլենին ու նրա հիմնած գյուլենական շարժումը ներառել ահաբեկչական կազմակերպությունների ցանկում:
