28.11.2024 | 14:40
Կոբախիձեն կրկին ընտրվել է Վրաստանի վարչապետ․ խորհրդարանը հավանություն է տվել կառավարության կազմին
Ուկրաինայի հայ երիտասարդության միության ղեկավարը կոչ է արել չտրվել սադրանքներին
Քաղաքականություն
27.07.2020 | 21:54
Ուկրաինայի հայ երիտասարդության միության նախագահ Արթուր Սարգսյանը կոչ է արել չտրվել սադրանքներին, հայտնում է AnalitikaUA.net-ը:
«Ես հայտարարում եմ, որ հայ երիտասարդությունը, որը միշտ կողմ է եղել Ադրբեջանի եւ Հայաստանի միջեւ հակամարտության խաղաղ կարգավորմանը, շարունակում է հավատարիմ մնալ այդ դիրքորոշմանը: Մենք չենք ենթարկվում սադրանքներին եւ չենք մասնակցում որեւէ ազգի դեմ ապօրինի գործողություններին, սակայն եթե մարտահրավերներ են առաջանում, որոնք սպառնում են մեր հայրենակիցների անվտանգությանը, ապա համապատասխան միջոցներ կձեռնարկվեն օրենքի շրջանակներում: Իմ հայտարարության հիմնական նպատակը կոչն է բոլոր այն լրատվամիջոցներին, որոնք լուսաբանում են հակամարտությունն ինչպես Ուկրաինայում, այնպես էլ ամբողջ աշխարհում, չշահարկել այս թեման, առավել եւս՝ օգտագործելով կեղծ տեղեկություններ: Օրինակ՝ նախանցյալ գիշեր Կիեւում իրավիճակի կապակցությամբ: Դա միայն սրում է էթնիկական պառակտումը։
Կոչ եմ անում բոլորին չտրվել սադրանքներին՝ թե լրատվամիջոցներում, թե փողոցում՝ իրավիճակը չապակայունացնելու համար»,- նշվում է հայտարարության մեջ:
Ավելի վաղ Ուկրաինայի հայերի միությունը և Հայ առաքելական եկեղեցու Ուկրաինայի թեմի հոգևորականները նույնպես կոչ էին արել պահպանել օրենքը և չենթարկվել սադրանքներին:
