07.07.2026 | 10:02
Խոշոր չափերով խարդախություն կատարելու համար մեղադրվող անձը հանձնվել է Ուզբեկստանին․ դատախազություն
«Պատվաստանյութը միակ ճանապարհն է, որպեսզի վերադառնանք բնականոն կյանքի». փորձարկման կամավոր
Քաղաքականություն
25.07.2020 | 10:50
Կորոնավիրուսի դեմ 150 տարբեր պատվաստանյութերից մեկը մշակվում է Օքսֆորդի համալսարանում: Մի քանի շաբաթ առաջ համալսարանի հետազոտողները խոստումնալից արդյունքներ հայտնեցին իրենց փորձարկումներից: Ավելի քան հազար կամավորների մոտ առաջին փորձարկման արդյունքներով պատվաստանյութը անվտանգ էր, ևիմունային արձագանք է արձանագրվել:
«Ամերիկայի ձայնը» զրուցել է կամավորներից Բրանկո Ռիթմանի հետ, ով մասնակցում է փորձարկման երկրորդ փուլին։
«Ես չէի կարող մասնագիտորեն նպաստել այդ գործընթացին, քանիոր առողջապահական մասնագետ չեմ: Որպես կամավոր,կարծում եմ, որ պատվաստանյութը միակ ճանապարհն է, որպեսզի մենք վերադառնանք բնականոն կյանքի և կարողանանք ապրել այս վիրուսի հետ այնպես, որ այն չի վնասի մեր տնտեսությանը և չմեկուսացնի մարդկանց»,- ասել է նա:
Փորձարկումը ենթադրում է մոտ 6 շաբաթ առաջ պատվաստվել, այնուհետև մշտական հետազոտություններ անցնել:
«Ես արյան ստուգում արեցի մեկ ամսից հետո, հաջորդ ստուգումը երեք ամսվա ընթացքում կլինի, հետո ՝ վեց, հետո ՝ մեկ տարի, և նրանք կտեսնեն՝արդյոք իմ արյան մեջ ունեմ հակամարմիններ: Բացի այդ ամեն շաբաթ սովորական ստուգում եմ անցնում», նշել է կամավորը:
Ռիթմանն ասում է, որ մինչ այժմ չի ունեցել կողմնակի բարդություններ և հպարտ է, որ մաս է կազմել այդ փորձարկումներին․ «Ես վեց ամիս չեմ տեսել ծնողներիս: Կան շատ մարդիկ, ովքեր չեն տեսել իրենց ընտանիքի ծեր անդամներին: Այնպես որ, կարծում եմ՝ բոլորի պարտքն է փորձել նպաստել այն ամենին, ինչ հնարավոր է անել լուծումը արագացնելու համար»:
Փորձագետների կարծիքով` հնարավոր է, որ պատվաստանյութըմարդկանց հասանելի դառնա այս տարվա վերջին կամ հաջորդ տարվա սկզբին:
