14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Թուրքիան զինտեխնիկա է կուտակում Սիրիայի հետ սահմանին
Քաղաքականություն
30.11.2017 | 11:16
Նոյեմբերի 28-ին Թուրքիայի զինված ուժերը սաhմանամերձ Քիլիս նահանգում զինտեխնիկա են տեղափոխել:
Ըստ թուրքական «Haberler» լրատվամիջոցի՝ զինտեխնիկայի տեղափոխումը սկսվել է այն բանից հետո, երբ Սիրիայի քրդական ուժերը իրենց վերահսկողության տակ գտնվող Աֆրին նահանգից կրակ են բացել մի քանի կմ հեռավորության վրա գտնվող սահմանամերձ Քիլիս նահանգի վրա։ Դրա հետևանքով 1 թուրք զինվոր է վիրավորվել. փոխանցում է EH-ն:
Քիլիս են տեղափոխվել զրահապատ մեքենաներ, ժանդարմերիայի ջոկատներ, ինչպես նաև հաուբիցներ։ Թուրքական աղբյուրը հիշեցնում է, որ Թուրքիայի ազգային անվտանգության վերջին նիստի ժամանակ թուրք պաշտոնյաները ակնարկել էին Աֆրինում ռազմական գործողություն սկսելու մասին։
Հիշեցնենք, որ Թուրքիան ահաբեկչական է համարում Սիրիայի քրդական ուժերին, պնդելով, որ նրանք սպառնում են Թուրքիայի սահմանային անվտանգությանը։
