17.09.2026 | 18:26
Եվրոպան և Կանադան «ուժեղ են, իսկ միասին՝ է՛լ ավելի ուժեղ»․ Քարնին ողջունել է ԵՄ ասոցացված անդամ դառնալու գաղափարը
Գրետա Թյունբերգն արժանացել է «Գյուլբենկյան» հիմնադրամի մրցանակին
Հասարակություն
21.07.2020 | 15:18
17-ամյա շվեդ էկոակտիվիստ Գրետա Թյունբերգն արժանացել է հայազգի գործարար, բարերար Գալուստ Գյուլբենկյանի անվան մրցանակին: Այս մասին տեղեկանում ենք «Գյուլբենկյան» հիմնադրամի պաշտոնական կայքից։
Երիտասարդ ակտիվիստը որպես մրցանակ 17 միլիոն եվրո է ստացել։ Նշվում է, որ նա պատրաստվում է ողջ գումարը բարեգործության ծառայեցնել։ Գրետա Թյունբերգն այս մրցանակի համար ընտրվել է 46 երկիր ներկայացնող 136 թեկնածուներից, որոնց թվում 79 կազմակերպություն և 57 անհատ էր ընդգրկված։
Անդրադառնալով մրցանակին՝ Գրետան Ինստագրամի իր միկրոբլոգում գրել է․ «Ինձ համար մեծ պատիվ է ստանալ «Մարդկության համար» Գյուլբենկյան մրցանակը: Կլիմայի առումով արտակարգ իրավիճակում ենք գտնվում, և իմ հիմնադրամը հնարավորինս արագ 1 միլիոն եվրո մրցանակային գումարը կնվիրաբերի այն կազմակերպություններին և նախագծերին, որոնք պայքարում են կայուն աշխարհի համար, պաշտպանում են բնությունը և աջակցում այն մարդկանց, որոնք արդեն բախվել են կլիմայական և էկոլոգիական ճգնաժամի ամենավատ հետևանքներին»։
Նելլի Մելքոնյան
