10.08.2026 | 12:11
ԱԺ-ում Արամ Վարդևանյանի ընտրության հարցով քվեարկություն է // Ջերմաստիճանը մինչև 5 աստիճանով կնվազի․ ԼՈՒՐԵՐ
«Կարա՞ նենց լինի, որ երբ ես խոսում եմ, ինչ-որ ռեպլիկային ձայներ չլսեմ»․ Քոչարյանի պաշտպանը՝ դատավորին․ ՏԵՍԱՆՅՈՒԹ
Հասարակություն
21.07.2020 | 14:30
Հասկանում եմ գործընկերներիս տարակուսանքը՝ օրինաստեղծ գործունեության մասնակիցներին դատակոչելու տրամաբանության մեջ։ Բայց մեկ հանգամանք պետք է հաշվի առնենք․ նշվում է, թե եկեք՝ Քրեական դատավարության օրենսգրքի մի դրույթի վերաբերյալ ԱԺ պատգամավորներին դատարան հրավիրենք։ Հիմա հռետորական հարց հնչեցնեմ․ իսկ արդյո՞ք Քրեական օրենսգրքի որևէ հոդված կա, որի օրինաստեղծ գործունեության ընթացքում ուղղակիորեն նշվել է որոշակիության դեֆիցիտ։ Այս մասին այսօր ՀՀ երկրորդ նախագահ Ռոբերտ Քոչարյանի և մյուսների գործով դատական նիստի ընթացքում նշեց Քոչարյանի պաշտպաններից Արամ Վարդևանյանը։
«Ես չեմ գտել ՔՕ մեկ հոդված, որով քրեական հետապնդում հարուցված լինի, և որի վերաբերյալ հենց որոշակիության դեֆիցիտը ֆիքսած լինի օրինաստեղծ գործունեությամբ զբաղվող մարմինը։ Հենց դրանով է իրավիճակն արտառոց, իսկ միջնորդությունը՝ ավելի պատճառաբանված»,- ասաց Վարդևանյանը։
Խոսքն ընդհատելով՝ Քոչարյանի պաշտպանը դիմեց նիստը նախագահող դատավոր Աննա Դանիբեկյանին․ «Հարգելի՛ դատարան, մի բան խնդրեմ, էլի։ Կարա՞ նենց լինի, որ երբ ես խոսում եմ, ինչ-որ տենց ռեպլիկային ձայներ չլսեմ»։
Մանրամասները՝ տեսանյութում։
Նելլի Մելքոնյան
