27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Մանվել Գրիգորյանը կարող է դատարանին ներկայացնել արժեքավոր տեղեկություններ՝ պաշտպանության դիրքորոշման օգտին․ Հովհաննես Խուդոյան․ ՏԵՍԱՆՅՈՒԹ
Հասարակություն
21.07.2020 | 13:57
Տրամաբանական է, որ միջնորդությունը պետք է բավարարվի։ Այս մասին այսօր ՀՀ երկրորդ նախագահ Ռոբերտ Քոչարյանի և մյուսների գործով դատական նիստի ընթացքում նշեց Քոչարյանի պաշտպաններից Հովհաննես Խուդոյանը՝ անդրադառնալով քրեական գործի դատակոչի ցուցակը լրացնելու միջնորդություններին։
«Օրինակ՝ ներկայացվել է Մանվել Գրիգորյանին որպես վկա հրավիրելն ու հարցաքննելը։ Սկսած առաջին դատական նիստերից՝ պարոն Քոչարյանի կողմից ներկայացվել է դիրքորոշում, որ, օրինակ, որոշ գործողություններ պայմանավորված են եղել ԵԿՄ որոշակի գործունեության հետ՝ քաղաքական իրադարձություներին մասնակցության, պետական հեղաշրջման վտանգի, ինչպես նաև ԵԿՄ առանձին անդամների գործունեության։ Եվ այս պարագայում խիստ տրամաբանական է, որ այդ կիսառազմականացված կազմակերպության ամենակարևոր սուբյեկտը, ում շուրջ ամբողջ գործի ընթացքում անընդհատ քննարկումներ են եղել, դատարանին կարող է ներկայացնել արժեքավոր տեղեկություններ, օրինակ, պաշտպանության դիրքորոշումների օգտին»,- նշեց պաշտպանը։
Մանրամասները՝ տեսանյութում։
Նելլի Մելքոնյան
