11.06.2026 | 16:53
Վուչիչը հայտարարել է Սերբիայի նախագահի պաշտոնից շուտով հրաժարական տալու մասին․ նա մտածում է վարչապետ առաջադրվելու մասին
Այս աստիճանի վերացական ու անորակ մեղադրանք դժվար է պատկերացնել․ Քոչարյանի պաշտպանը՝ ՍԴ անդամների նկատմամբ ճնշում գործադրելու մեղադրանքի մասին․ ՏԵՍԱՆՅՈՒԹ
Հասարակություն
21.07.2020 | 13:37
Ռոբերտ Քոչարյանի մեղադրանքի մեջ, ի թիվս այլ մեղադրանքների, գրված է, որ ՍԴ անդամների նկատմամբ կիրառվել է ճնշում։ Այս որակի մեղադրանքը ստորագրվել է՝ առանց մեղադրական եզրակացության մեջ մանրամասնելու, թե ՍԴ կոնկրետ ո՞ր դատավորի նկատամբ է ճնշում գործադրվել և ինչպե՞ս է արտահայտվել այդ ճնշումը։ Այս մասին այսօր ՀՀ երկրորդ նախագահ Ռոբերտ Քոչարյանի և մյուսների գործով դատական նիստի ընթացքում նշեց Քոչարյանի պաշտպաններից Հայկ Ալումյանը։
«Մեղադրական եզրակացության մեջ դրա մասին որևէ բան չկա։ Հետևաբար, կարելի է ենթադրել, որ ըստ մեղադրանքի, հնարավոր է, մեղադրանք ներկայացնողը և այն հաստատողը նկատի ունեն այն ժամանակ աշխատած ՍԴ ցանկացած անդամի։ Վերացական գրած է։ Այս տեսակի մեղադրանքը դատարանը նույնիսկ չպիտի էլ դատական քննության վերցներ։ Այս աստիճանի վերացական ու անորակ մեղադրանք, երևի, դժվար է պատկերացնել,- նշեց Ալումյանը։
Մանրամասները՝ տեսանյութում։
Նելլի Մելքոնյան
