16.06.2026 | 00:58
ԱԱ-2026․ Բելգիան խուսափեց պարտությունից Եգիպտոսի դեմ խաղում․ ՏԵՍԱՆՅՈՒԹ
Բերդի փրկարարներն այսօր ստացան հակառակորդի խոցած մեքենայի՝ «յուղը վրան» տարբերակը․ Փաշինյան
Քաղաքականություն
20.07.2020 | 23:00
Վարչապետ Նիկոլ Փաշինյանը ֆեյսբուքյան գրառմամբ տեղեկացրել է, որ Բերդի փրկարարական ջոկատը շտապօգնության նոր մեքենա է ստացել՝ հակառակորդի անօդաչուի կողմից խոցված մեքենայի փոխարեն։
«Չորեքշաբթի օրը հակառակորդի անօդաչու թռչող սարքը խոցել էր Բերդի փրկարար ջոկատին պատկանող շտապօգնության ավտոմեքենան, որի անձնակազմը հրաշքով ողջ էր մնացել։ Մեքենան սպասարկում էր սահմանապահ գյուղերին։
Այսօր Բերդի փրկարարները ստացան նույն մեքենայի «յուղը վրան» տարբերակը։ Եվս մի մեքենա ձեռք բերեցինք Նոյեմբերյանի փրկարարների համար։ Մեքենաները քիչ առաջ հասան Տավուշ։
Բարի եւ խաղաղ ծառայություն։ Եվ շնորհակալություն՝ անձնուրաց ծառայության համար»,- գրել է Փաշինյանը։
