19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Եկող շաբաթվա վերջին կունենանք առաջին վերականգնված տները․ Տավուշի մարզպետ
Հասարակություն
18.07.2020 | 21:20
Մեր բնակավայրերում այսօր ամբողջ օրվա ընթացքում որևէ հրետակոծություն չի եղել, մեր բնակիչները հնարավորություն են ունեցել վերադառնալու իրենց առօրյա կյանքին։ Այս մասին այսօր ճեպազրույցի ժամանակ հայտարարեց Տավուշի մարզպետ Հայկ Չոբանյանը։
«Դա նաև հնարավորություն է տվել երեկ ամբողջ օրվա ընթացքում, թեկուզ որոշակի ռիսկային իրավիճակում, իրականացնելու վերականգնողական աշխատանքները։ Մենք, ըստ էության, երեկ վերջացրել ենք բոլոր ենթակառուցվածքների վերականգնումը, ջրագծերի համակարգերի վերականգնումները։ Զուգահեռ իրականացվել են վնասների գույքագրման աշխատանքները։ Այսօր գրեթե ավարտել ենք ամբողջ գույքագրումը, բնականաբար՝ վերջնական գնահատումները դեռ չունենք։ Այսօրվա դրությամբ՝ առանձնացրել ենք 12 տուն․ 6 տուն Այգեպար և 6 տուն՝ Կարմիրաղբյուր գյուղում, որտեղ արդեն կարող ենք սկսել վերականգնողական աշխատանքները»,- նշեց մարզպետը։
Հայկ Չոբանյանն ընդգծեց, որ եկող շաբաթվա վերջին կունենանք առաջին լիարժեք վերականգնված բնակարանները։
Մանրամասները՝ տեսանյութում։
