12.09.2026 | 18:21
Տավուշում հայտնաբերվել է շուրջ 1,5 խմ ապօրինի տեղափոխվող վառելափայտ
Արթուր Թովմասյանն ընդունել է գրոստմայստեր Ռաֆայել Վահանյանին
17.07.2020 | 15:43
Արցախի Հանրապետության ԱԺ լրատվության և հանրության հետ կապերի բաժնից տեղեկացնում են, որ հուլիսի 17-ին Արցախի Հանրապետության Ազգային ժողովի նախագահ Արթուր Թովմասյանն ընդունել է միջազգային գրոստմայստեր, վետերանների աշխարհի չեմպիոն Ռաֆայել Վահանյանին:
«Խորհրդարանի ղեկավարը բարձր է գնահատել Ռաֆայել Վահանյանի դերը ոչ միայն հայ, այլև համաշխարհային շախմատի պատմության մեջ՝ նշելով, որ նրա շախմատային ուղին վառ օրինակ է նոր սերնդի շրջանում սպորտաձևի տարածման ու հանրահռչակման գործում: ԱԺ նախագահը նաև երախտագիտություն է հայտնել Ռաֆայել Վահանյանին Շուշիի տեխնոլոգիական համալսարանի ուսումնական աշխատանքներին աջակցելու համար:
Շնորհակալություն հայտնելով ընդունելության համար՝ Ռաֆայել Վահանյանը շնորհավորել է Արթուր Թովմասյանին Աժ նախագահի պաշտոնում ընտրվելու կապակցությամբ և պատրաստակամություն հայտնել իր գիտելիքներով օգտակար լինել Արցախի ժողովրդին:
Հանդիպմանը մասնակցել են նաև ԱԺ նախագահի տեղակալ Գագիկ Բաղունցը, ԱԺ նախագահի գլխավոր խորհրդական Արպատ Ավանեսյանը, Շուշիի տեխնոլոգիական համալսարանի ռեկտոր Հովհաննես Թոքմաջյանը և պրոֆեսոր Ալբերտ Մարգարյանը»,- ասված է հաղորդագրությունում:
