18.12.2025 | 15:28
Պատրաստ եմ ընդունել իր արժանապատիվ հեռացումը ապահովելու օրակարգով․ Փաշինյանը՝ Գարեգին Բ-ի մասին․ ՏԵՍԱՆՅՈՒԹ
Քիմ Քարդաշյանը բարձրաձայնել է Հայաստանի դեմ Ադրբեջանի սանձազերծած ագրեսիայի մասին և իր հետևորդներին կոչ արել դիմել կոնգրեսականներին
Քաղաքականություն
17.07.2020 | 10:03
Ամերիկահայ հեռուստաաստղ Քիմ Քարդաշյանը թվիթերի իր միկրոբլոգում գրառում է արել՝ քննադատելով Ադրբեջանի սանձազերծած ագրեսիան Հայաստանի հետ սահմանին։
«Չնայած շարունակվող համաշխարհային համավարակին՝ Ադրբեջանը խախտել է գլոբալ հրադադար հաստատելու ՄԱԿ-ի կոչը՝ հարձակումներ գործելով Հայաստանի վրա։ Թիրախավորվել են Հայաստանի քաղաքացիական ենթակառուցվածքները, և այժմ Ադրբեջանը սպառնում է հարվածել Հայաստանի ատոմակայանին:
Հաջորդ շաբաթ տեղի կունենա Ազգային պաշտպանության մասին օրենքի փոփոխությունների վերաբերյալ օրինագծի քվեարկությունը, որը կերաշխավորի, որ ԱՄՆ-ն Ադրբեջանին չի տրամադրի ռազմական օգնություն, որը կարող է օգտագործվել Հայաստանի և Արցախի դեմ:
Միջազգային հանրությունը պետք է միջամտի քաղաքական և դիվանագիտական միջոցներով՝ կանխելու անհարկի էսկալացիան ու մարդկային կորուստները: Ես հայերի հետ եմ ու աղոթում եմ սահմանին գտնվողների համար: Ես կոչ եմ անում պանդեմիայի այս՝ առանց այդ էլ դժվարին շրջանում իրավիճակը խաղաղությամբ կարգավորել»,- գրել է հայազգի հեռուստաաստղը:
Նա կոչ է արել ամերիկացիներին, որպեսզի նրանք սենատորների ուշադրությունը հրավիրեն ստեղծված իրավիճակի վրա և աջակցեն Հայաստանին։
