23.09.2026 | 18:10
Թեհրանը՝ TRIPP նախագծի մասին // «Ջերմուկ Գրուպն» ազատվում է ավելի քան 270 մլն դրամի մաքսատուրքից․ ԼՈՒՐԵՐ
Կրակոցներ՝ «Տավուշ տեքստիլ» գործարանի ուղղությամբ
14.07.2020 | 12:42
Հակառակորդի կողմից մոտ մեկ ժամ առաջ կրակոցներ են արձակվել Տավուշի մարզի Բերդ քաղաքում գործող ձեռնոցի արտադրությամբ զբաղվող գործարանի ուղղությամբ:
Տեղեկությունը հաստատեց «Տավուշ տեքստիլ» ընկերության տնօրեն Միքայել Եզեկյանը։ Նա ասաց, որ շենքը չի վնասվել: Գործարանում այս պահին աշխատակիցներ չկան։
Հիշեցնենք՝ Պաշտպանության նախարարության մամուլի խոսնակ Շուշան Ստեփանյանն այսօր հայտնել էր, որ հակառակորդը հարվածային ԱԹՍ-ով թիրախավորել է Բերդի քաղաքացիական ենթակառուցվածքները։ Տուժածներ չկան։
Նշենք, որ ադրբեջանական կողմը հայկական դիրքերի ուղղությամբ սկսել էր կրակել հուլիսի 12֊ից։ ՀՀ զինված ուժերը հուժկու հակահարվածներ է տվել։
Նարեկ Կիրակոսյան
