21.05.2026 | 12:46
Մեկ կրակոց էլ «Հաղթանակ» զբոսայգու թնդանոթից կարձակվի․ ՀՀ ՊՆ
ԿԸՀ-ն միայն թափուր մանդատի դեպքում կարող է նոր մանդատ տրամադրել․ Տիգրան Մուկուչյան. ՏԵՍԱՆՅՈՒԹ
Հասարակություն
08.07.2020 | 16:27
Կենտրոնական ընտրական հանձնաժողովի կողմից մանդատների բաշխումը տեղի է ունենում մեկ անգամ, ընտրության արդյունքներն ամփոփվել են, մանդատների թվաքանակը հստակ բաշխվել է, դրանից հետո այլ անձի մանդատ տրամադրելու գործառույթ ԿԸՀ-ն կարողանում է և իրավասու է իրականացնել բացառապես թափուր մանդատ առաջանալու պարագայում:
Այս մասին լրագրողների հետ ճեպազրույցում ասաց ԿԸՀ նախագահ Տիգրան Մուկուչյանը՝ անդրադառնալով «Լուսավոր Հայաստան» խմբակցության ղեկավար Էդմոն Մարուքյանի՝ մեկ մանդատը վերականգնելու դիմումի մերժմանը։
Դիտարկմանը, թե «Լուսավոր Հայաստան»-ի պնդումներից մեկն այն է, որ խորհրդարանում չկա անկախ պատգամավորի ինստիտուտ, Մուկուչյանն արձագանքեց, թե դիմումի մեջ կան տարբեր մեկնաբանություններ և ձևակերպումներ: «Խնդիրը հետևյալն է՝ ԿԸՀ-ն ընդունել է հստակ որոշում, սահմանել է մանդատների քանակ, այդ որոշումը որևէ մեկը չի վիճարկել, այն մինչ օրս ուժի մեջ է, և դրանում ոչ մի փոփոխություն չկա»,- ասաց նա:
Մանրամասները՝ տեսանյութում։
