18.12.2025 | 19:06
Արմեն Գրիգորյանը և ՄԹ արտաքին հետախուզության ծառայության տնօրենը հանդիպում են ունեցել
Սա ոչ թե քմահաճույք է, այլ քայլ է, որ մարդիկ դիմակ կրեն. Միրզոյանն՝ աղմկահարույց նախագծի մասին. ՏԵՍԱՆՅՈՒԹ
Քաղաքականություն
08.07.2020 | 14:38
ԱԺ նախագահ Արարատ Միրզոյանն այսօր խորհրդարանում տված ճեպազրույցում անդրադարձավ արտահերթ նիստի օրակարգ չընդգրկված, բայց արդեն իսկ լայն քննարկումների տեղիք տված՝ դիմակ չկրելու համար տուգանքների բարձրացմանը վերաբերող նախագծին:
«Սա ոչ թե քմահաճույք է, ոչ թե բյուջեն ավելացնելու միջոց է, այլ որպեսզի մարդիկ դիմակ կրեն: Մենք այստեղ քաղաքական հարց ենք քննարկում, բայց այնտեղ մարդիկ են մահանում»,- ասաց ԱԺ նախագահը: Լրագրողի մեկ այլ հարցի, թե նախկինում ՀՀԿ-ին մեղադրում էին ծառայողական շատ մեքենաներ ունենալու համար, բայց հիմա իրենք են այդպես վարվում, Միրզոյանը նշեց. «ԱԺ հանձնաժողովների նախագահների տեղակալները չեն օգտվում ծառայողական մեքենաներից, աշխատակազմի ղեկավարի տեղակալները՝ ևս։ Ինչու՞ ամբողջապես չի արվում այսպես. հարցը տարբեր նրբերանգներ ունի։ Դա պետք է դիտարկել իշխանության ճյուղերի հավասար, հակակշռող մեխանիզմների համատեքստում, որովհետև կա կարծիք, որ այդպիսի բաները պետք է համամասնորեն արվեն թե՛ օրենսդիրում, թե՛ գործադիրում»:
Մանրամասները՝ տեսանյութում;
Մերի Մարտիրոսյան
