03.04.2026 | 13:17
Բուհերի ընդունելության 2026 թվականի առաջին փուլի ամփոփում․ ՈՒՂԻՂ
Բրազիլիայի նախագահ Ժաիր Բոլսոնարուն COVID-19-ով է վարակվել․ BBC
Քաղաքականություն
07.07.2020 | 20:50
Բրազիլիայի նախագահ Ժաիր Բոլսոնարուի կորոնավիրուսի թեստի արդյունքը դրական է։ Այս մասին տեղեկացնում է BBC-ն։
65-ամյա նախագահն այսօր էր COVID-19-ն ախտորոշող թեստավորում անցել՝ այն բանից հետո, երբ բարձր ջերմություն և հազ էր ունեցել։ 1․6 միլիոնից ավելի վարակման դեպք գրանցած Բրազիլիայի նախագահը կորոնավիրուսային պանդեմիայի ընթացքում հաճախ աչքի էր ընկնում համավարակի նկատամամբ ունեցած անլուրջ վերաբերմունքով։
Բոլսոնարուն կորոնավիրուսը «թեթև գրիպ» էր անվանում, ինչպես նաև խորհուրդ տալիս դրա դեմ պայքարում հիդրօքսիքլորոքին օգտագործել։ Ապրիլին նա ասում էր․ «Եթե վարակվեմ, ոչինչ չեմ զգա, քանի որ դա թեթև մրսածության պես մի բան կլինի»։
Չնայած նրան, որ վերջին շրջանում Բրազիլիայում կորոնավիրուսի դեպքերը ռեկորդային արագ էին զարգանում, Բոլսոնարուն կոչ էր անում խիստ սահմանափակումների չգնալ՝ նշելով, որ այդպիսով կվնասեն երկրի տնտեսությունը։
Հավելենք, որ worldometers.info վիճակագրական կայքի տվյալներով՝ Բրազիլիայում մինչ օրս կորոնավիրուսից մահացել է 65․631 մարդ։
Նելլի Մելքոնյան
