16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
Այս դատարանը հանցագործների որջ է․ հանցագործություններ են պարտակվել․ Արման Բաբաջանյան. ՏԵՍԱՆՅՈՒԹ
Քաղաքականություն
07.07.2020 | 11:54
«Սահմանադրական դատարանի դատավորի պաշտոնում Վահե Գրիգորյանի թեկնածությանը ես կողմ եմ քվեարկել, և ես ուղղակի կափսոսեի իմ քվեն, եթե Վահե Գրիգորյանը այս մեկ տարվա ընթացքում մասնակցեր ՍԴ-ի նիստերին։ Իր մասնակցությամբ նա ավելորդ լեգիտիմություն կհաղորդեր այս դատարանին, իսկ այս դատարանը հանցագործների որջ է, որը մինչև հիմա հանցագործություններ է պարտակել։ Եվ այն օրը, երբ ԱԺ-ն սահմանադրական փոփոխություններ էր նախաձեռնում, նրանք պատասխան քայլով Ռոբերտ Քոչարյանի գործով որոշում կայացրին»,- Բաղրամյան 26-ի առաջ հայտարարեց «Հանուն Հանրապետության» նախաձեռնությունը ղեկավարող պատգամավոր Արման Բաբաջանյանը։
Նա և համախոհներն այսօր նախագահական նստավայրի առաջ ուղերձով դիմեցին ՀՀ նախագահին՝ սկսելու ՍԴ դատավորի թափուր պաշտոնում առաջադրման գործընթացը։ Բաբաջանյանն ասաց, որ Սահմանադրական դատարանի ճգնաժամի հանգուցալուծումը խցանված է նախագահի կողմից, և թեկնածուի առաջադրման ձգձգումը կամ պասիվ դիրքավորումը կարող է առաջացնել ոչ դրական տրամադրություններ։
«Վստահաբար, կարող եմ ասել, որ նախագահը նոր Հայաստանի առջև ծառացած օրակարգերի պաշտպանն է և պետք է, որ նա նախաձեռնողականությամբ հաստատի այդ համոզումը։ Որևէ բան չի խանգարում, որ նա, չսպասելով 21-օրյա ժամկետի լրանալուն, երբ ԱԺ նախագահը կստորագրի օրենսդրական փաթեթը, նախաձեռնի ՍԴ դատավորի թափուր տեղի համար առաջադրման գործընթաց»,- հայտարարեց Բաբաջանյանը։
Մանրամասները՝ տեսանյութում:
