20.05.2026 | 09:29
ՀՀ տարածքում ավտոճանապարհները հիմնականում անցանելի են
Խցանումը եղել է նախագահի կողմից․ նա պիտի լիցքաթափի ներքաղաքական լարված իրավիճակը․ Արման Բաբաջանյան. ՏԵՍԱՆՅՈՒԹ
Քաղաքականություն
07.07.2020 | 11:47
«Շուրջ 25 տարի Սահմանադրական դատարանը նպաստել է ռեժիմի վերարտադրությանը և վավերացրել է ապօրինությունների պայմաններում կայացած ընտրությունները։ Հիմնավոր կասկածներ կան, որ այս դատարանը նախկին իշխանությունների՝ ՀՀԿ-ի ու նրա սերտ շրջանակների հետ կարող է ունենալ սերտ քաղաքական պայմանավորվածություն և այդպիսով նրանց քաղաքական նպատակների համար ապահովել ՍԴ-ի ճակատը կամ բաստիոնը, ինչի մասին հայտարարում էին ՍԴ նախագահն ու նրա խորհրդականները»,- հայտարարեց «Հանուն Հանրապետության» քաղաքական նախաձեռնությունը ղեկավարող պատգամավոր Արման Բաբաջանյանը։
Նա և համախոհներն այսօր Բաղրամյան 26-ի առաջ ուղերձով դիմեցին ՀՀ նախագահին՝ սկսելու ՍԴ դատավորի թափուր պաշտոնում առաջադրման գործընթացը։
«Հեղափոխության ժամանակ նրա քայլը՝ հրապարակ գալը էապես լիացքաթափեց և հանգուցալուծեց իրավիճակը, վճռեց հեղափոխության հաղթանակը։ Ես կոչ եմ անում, որպեսզի նախագահն անմիջապես ձեռնամուխ լինի այս գործընթացի մեկնարկին։ Հանրապետության հրապարակում այս պահին էլ սպասում է ՀՀ քաղաքացին։ Խցանումը եղել է նախագահի կողմից, և նա իր քայլով պետք է լիցքաթափի ներքաղաքական լարված իրադրությունը»,- հայտարարեց պատգամավորը։
Մանրամասները՝ տեսանյութում:
Ռոբերտ Անանյան
