29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
Առցանց ձևաչափով կանցկացվի «Հայաստան-Ինժեներական շաբաթ-2020» խորագրով միջոցառումը
06.07.2020 | 22:31
ՀՀ ԲՏԱ նախարարությունից տեղեկացնում են, որ հուլիսի 6-ից 10-ը ՀՀ բարձր տեխնոլոգիական արդյունաբերության նախարարության, «Ձեռնարկությունների ինկուբատոր» հիմնադրամի և Ինժեներական ասոցիացիայի նախաձեռնությամբ առցանց ձեւաչափով կանցկացվի «Հայաստան – Ինժեներական շաբաթ-2020» խորագրով արդեն ավանդական դարձած՝ 3-րդ ամենամյա միջոցառումը:
«Հայաստան – Ինժեներական շաբաթ» խորագիրը կրող միջոցառման նպատակն է ցուցադրել Հայաստանի ինժեներական եւ Բարձր տեխնոլոգիաների ոլորտի վերջին նվաճումները: Կներկայացվեն նախագծեր եւ լուծումներ այնպիսի ուղղություններում, ինչպիսիք են՝ ինքնակառավարվող տրանսպորտային միջոցները, կիսահաղորդիչների նախագծումն ու թեստավորումը, անլար հաղորդակցությունը,
ռադիոհաճախականությունը, արդյունաբերական IOT-ն, սպառողական էլեկտրոնիկան, կրթական տեխնոլոգիաները, մշակող արդյունաբերությունը եւ այլն:
Առցանց ձեւաչափով կներկայացվեն նաեւ Հայաստանի ազգային պոլիտեխնիկական համալսարանի (ՀԱՊՀ) վերջին նախագծերը, ՀՀ գիտությունների ազգային ակադեմիայի գիտահետազոտական ծրագրերն, ինչպես նաեւ Հայաստանի տարբեր մարզերում իրականացվող Բարձր տեխնոլոգիական նախաձեռնությունները»,- ասված է հաղորդագրությունում:
