17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Ռուսական եկեղեցին՝ Սուրբ Սոֆիայի մասին․ «Չենք կարող վերադառնալ միջնադար»
Քաղաքականություն
06.07.2020 | 23:01
Ռուսական ուղղափառ եկեղեցին դեմ է արտահայտվել Ստամբուլի Սուրբ Սոֆիայի տաճարը մզկիթի վերածելու թուրքական նախաձեռնությանը. գրում է ermenihaber.-ը:
Եկեղեցու արտաքին հարաբերությունների պատասխանատու, եպիսկոպոս Հիլարիոնը հեռուստաեթերով հետևյալ մեկնաբանությունն է արել․
«Մենք չենք հասկանում, թե ինչու պետք է հենց հիմա բացել Սուրբ Սոֆիան որպես աղոթատեղի։ Բայց կարող ենք կռահել, որ դա կապված է Թուրքիայի ներքին քաղաքականության հետ, ինչպես նաև նախագահ Էրդողանի ցանկության հետ՝ աջակցելու Սուրբ Սոֆիան մզկիթ դարձնելու կողմնակիցներին։ Մենք չենք կարող վերադառնալ միջնադար։ Հիմա ապրում ենք բազմաբևեռ և բազմակրոն աշխարհում։ Պետք է հարգանքով վերաբերվենք հավատացյալ մարդկանց զգացմունքներին», – նշել է ռուս եպիսկոպոսը։
Նա հավելել է, որ Սուրբ Սոֆիայի մոտակայքում է գտնվում Սուլթանահմեթ մզկիթը, բայցի այդ էլ Թուրքիայում ընդհանրապես մզկիթների պակաս չի զգացվում, որ անհրաժեշտություն լիներ պակասը լրացնել Սուրբ Սոֆիայի միջոցով։
Աթենքի արքեպիսկոպոս Իերոնիմոսը նույնպես դատապարտել է Թուրքիայի իշխանությունների այս նախաձեռնությունը․ «Նրանք ցանկացած հնարավորության դեպքում որևէ խաղ են մոգոնում։ Սա էլ այդպիսի խաղ է։ Բայց չեմ կարծում, թե համարձակություն կունենան նման քայլ կատարելու»։
