18.11.2024 | 09:50
Սասուն Խաչատրյանը հրաժարականի դիմում է ներկայացրել. Կոմիտեն պաշտոնապես հաստատեց
Այս տարվա 5 ամիսներին ծնվել է 12894 երեխա․ 3,2 % պակաս՝ նախորդ տարվա նույն ժամանակահատվածի համեմատ
Հասարակություն
06.07.2020 | 16:44
Պետական վիճակագրական ծառայությունը հրապարակել է 2020 թվականի հունվար-մայիս ամիսների ժողովրդագրական իրավիճակի վերաբերյալ ցուցանիշները։
Ըստ հրապարակված տվյալների՝ այս տարվա հունվար- մայիս ամիսներին hանրապետությունում ծնվել է 12 894 երեխա՝ ինչը նախորդ տարվա նույն ժամանակահատվածում ծնված երեխաների թվից պակաս է 3.2 տոկոսով։
Վերջին 3 տարիներին ծնված երեխաների թիվը նվազման միտում ունի։ Այսպես․ 2018 թվականի հունվար-մայիս ամիսներին ծնվել է 13 444 երեխա, 2019-ին՝ 13 322, իսկ 2020-ին այդ թիվը կազմել է 12 894։
Կենսունակության գործակիցը՝ ծնվածների և մահացածների2020թ. հունվար-մայիսին հարաբերակցությունը կազմել է 111.7%՝ նախորդ տարվա նույն ժամանակաշրջանում արձանագրված 112.9 %-ի համեմատ:
Հիշեցնենք, որ Հայաստանում ծնելիության նվազման վերաբերյալ օրեր առաջ գրառում էր կատարել նախ աշխատանքի և սոցիալական հարցերի նախարար Զարուհի Բաթոյանը՝ նշելով ժողովրդագրական իրավիճակի բարելավմանն ուղղված կառավարության իրականացրած ծրագրերն ու քաղաքականությունը։
