08.11.2024 | 23:00
Հրդեհ Ծաղկաբեր գյուղում
Բելառուսում սկսվել է նախագահի թեկնածուների գրանցումը․ արդեն գրանցման փաստաթղթեր է ներկայացրել 7 անձ
Քաղաքականություն
05.07.2020 | 19:47
Բելառուսում այսօր՝ հուլիսի 5-ին մեկնարկել է նախագահի թեկնածուների գրանցումը։ Այն կտևի մինչև հուլիսի 14-ը ներառյալ։ Այս մասին գրում է DW-ի ռուսական ծառայությունը՝ վկայակոչելով երկրի Կենտրոնական ընտրական հանձնաժողովը։
Արդեն գրանցման համար անհրաժեշտ փաստաթղթերը ներկայացրել է 7 անձ՝ գործող նախագահ Ալեքսանդր Լուկաշենկոն, «Բելգազպրոմբանկ»-ի նախկին ղեկավար Վիկտոր Բաբարիկոն, «Говори правду» ընկերության ղեկավար Անդրեյ Դմիտրիևը, Ներկայացուցիչների պալատի նախկին պատգամավոր Աննա Կանոպացկայան, ընդդիմադիր բլոգեր Սերգեյ Տիխանովսկու կինը՝ Սվետլանա Տիխանովսկայան, Բելառուսական սոցիալ-դեմոկրատական կուսակցության ղեկավար Սերգեյ Չերեչենը և նախկին դիվանագետ Վալերի Ցեպկալոն։
Նշենք, որ նախագահական ընտրությունները Բելառուսում նախանշված են օգոստոսի 9-ին։
