12.10.2026 | 21:17
Հայաստանի մի շարք հասցեներում էլեկտրաէներգիայի անջատումներ կլինեն
Ղազախստանում ուժի մեջ են մտել խիստ կարանտինային միջոցառումները
Քաղաքականություն
05.07.2020 | 18:52
Ղազախստանում այսօր՝ հուլիսի 5-ին ուժի մեջ են մտել խիստ կարանտինային միջոցառումները, որոնք սահմանվել են վատթարացող համաճարակային իրավիճակի պատճառով։ Այս մասին գրում է DW-ի ռուսական ծառայությունը։
Վարչապետ Ասկար Մամինի գլխավորությամբ պետական կոմիտեն կարգադրել է 14 օրով դադարեցնել շրջանների միջև ուղևորատար տրանսպորտի հաղորդակցությունը, քաղաքներում նույնպես ժամանակավորապես սահմանափակել հանրային տրանսպորտի աշխատանքը։ Միջազգային ավիահաղորդակցությունը, սակայն, չի դադարեցվի։
Բացի այդ, բնակիչներին արգելվում է մասնակցել զանգվածային միջոցառումների, այդ թվում՝ ընտանեկան և հիշատակի, փողոցներում և զբոսայգիներում արգելվում է ավելի 3 մարդուց կազմված խմբերի տեղաշարժը։
Կարանտինի ժամանակահատվածում արգելվում է վարսավիրանոցների, մարզասրահների, լողավազանների, փակ շուկաների գործունեությունը, երկրի ամբողջ տարածքում չեն գործի նաև թանգարանները, ցուցասրահները, կինոթատրոնները, ժամանցի կենտրոնները, կրոնական հաստատություններն ու մանկական ճամբարները։
Կարանտինային ռեժիմի և սանիտարա-համաճարակային պահանջների խախտման դեպքում խոշոր տուգանքներ են նախատեսված։
