26.10.2026 | 14:30
Ադրբեջանի ԱԳ նախարարը խոսել է Հայաստանի հետ խաղաղության համաձայնագրի ստորագրման ժամկետներից
Մհեր Մկրտչյանին հետմահու Գյումրու պատվավոր քաղաքացու կոչում է շնորհվել․ ՏԵՍԱՆՅՈՒԹ
Հասարակություն
04.07.2020 | 18:57
Հուլիսի 4-ին ԽՍՀՄ ժողովրդական արտիստ Մհեր Մկրտչյանի (Ֆրունզիկ) տարեդարձն է․ նա կդառնար 90 տարեկան: Հարգանքի տուրք մատուցելով հայ նշանավոր դերասանին՝ Գյումրի համայնքի ղեկավար Սամվել Բալասանյանը, համայնքի ղեկավարի տեղակալ Հայկ Սուլթանյանը, մշակույթի ոլորտի ներկայացուցիչներ ծաղիկներ են դրել դերասանի հուշարձանին: Այս մասին տեղեկանում ենք Գյումրու քաղաքապետարանից։
Այնուհետ ներկաներն այցելել են Մհեր Մկրտչյանի հուշատուն-թանգարան: Սամվել Բալասանյանը թանգարանին է փոխանցել պատվավոր քաղաքացու հուշամեդալը և ավագանու որոշումը: Նշենք, որ Գյումրի համայնքի ավագանին հունիսի 10-ին կայացած նիստում միաձայն որոշում էր կայացրել և «Գյումրու պատվավոր քաղաքացի» կոչում շնորհել հայ մեծանուն դերասան, ԽՍՀՄ ժողովրդական արտիստ Մհեր Մկրտչյանին:
