10.02.2026 | 23:52
Հայաստանի մի շարք հասցեներում էլեկտրաէներգիայի անջատումներ կլինեն
ԱՄՆ դեմոկրատները փոխել են նախընտրական ծրագրերը
Քաղաքականություն
04.07.2020 | 21:15
Կորոնավիրուսի համաճարակը ստիպեց ԱՄՆ Դեմոկրատական կուսակցությանը փոխել նախընտրական ծրագրերը: Կուսակցության նախագահի թեկնածու Ջո Բայդենին հանրությանը ներկայացնելու միջոցառումների փոխարեն նրանք վիրտուալ համագումար կանցկացնեն. գրում է amerikayidzayn.com-ը:
Բրուքինգի ինստիտուտի մասնագետ Էլեյն Կամարքն ասում է. «Մենք այդ վիրուսի մասին շատ բան չգիտենք, բայց այն, ինչ մենք իմացել ենք, այն է, որ վիրուսը փոխանցվում է փակ տարածություններում: Դա նշանակում է, որ գուցե չպետք է ունենանք ավանդական համաժողով»:
Հազարավոր պատվիրակությունների ասվել է, որ չուղևորվեն դեպի Վիսկոնսին նահանգի Միլվոքի քաղաք, որտեղ պետք է տեղի ունենար համագումարը: Դեմոկրատական կուսակցության ղեկավարները կլինեն այնտեղ՝ վարելու վիրտուալ հանդիպումը: Քաղաքի արհեստավարժ բասկետբոլի մարզադաշտի փոխարեն կօգտագործվի ավելի փոքր կենտրոն: Իսկ 20 հազար հանդիսատեսին կփոխարինի հեռուստատեսությունը:
Դեմոկրատների փոխանցմամբ՝ նախատեսում են Միլվոքիից 4-օրյա ուղիղ հեռարձակումներ իրականացնել, ներկայացնել Բայդենի ելույթը, որպես նախագահի թեկնածու:
«Ջորջ Վաշինգտոն» համալսարանի քաղաքական կառավարման մասնագետ Լարա Բրաունն ասում է. «Կարծում եմ, որ այսպես ծրագրելու դեմոկրատների որոշումն ավելի լավ կծառայի նրանց: Նրանք ժամանակ ունեն դիտարկելու համար նորարարական տեխնոլոգիաները: Նրանք ունեն ազատություն և լայն շրջանակ՝ ջանք ու եռանդ ներդնելու, որպեսզի իրականացնեն լավագույն վիրտուալ համագումարը»:
Ապրիլի սկզբին դեմոկրատները հետաձգեցին իրենց համագումարը, որը նախատեսված էր հուլիսի սկզբին՝ նշանակելով օգոստոսի 17-ին` Հանրապետականների համագումարից մեկ շաբաթ առաջ:
Ամերիկացի փորձագետների կարծիքով, մինչդեռ, բազմամարդ համագումարներին կուսակցությունների համար ամենակարևորը, թեկնածուներին ներկայացնելիս, բազմության ծափահարություններն ու սատարող վանկարկումներն են:
Երբ Հյուսիսային Քարոլինայի նահանգապետը համագումարի մասնակիցներից պահանջեց դիմակներ դնել, հանրապետականները որոշեցին նախագահ Թրամփի առաջադրումն ու մեկնարկի խոսքը կազմակերպել Ֆլորիդայում, որտեղ կորոնավիրուսային սահմանափակումները մեղմացվել են:
