11.01.2025 | 22:52
Վարչապետը առաջնահերթ է համարում խաղաղության գործընթացը, թվայնացումը և կոռուպցիայի դեմ պայքարը. ՏԵՍԱՆՅՈՒԹ
Հարցված քաղաքացիների 85%-ը հավանություն է տալիս վարչապետի գործունեությանը․ հետազոտության արդյունքներ
Հասարակություն
03.07.2020 | 18:55
Հայաստանի Հանրապետությունում հարցվածների 85%-ը հավանություն է տալիս ՀՀ վարչապետ Նիկոլ Փաշինյանի գործունեությանը: Այսօր հրավիրված ասուլիսում նման տվյալներ ներկայացրեց «GALLUP International Association»-ի Հայաստանում լիիրավ անդամ «Էմ Փի ՋԻ» ՍՊԸ տնօրեն Արամ Նավասարդյանը:
«Քաղաքացիներին խնդրել ենք պատասխանել «Ինչպե՞ս են գնահատում ներքոշարադրյալների գործունեությունը» հարցին։ Արդյունքում, ընդդիմության գործունեությունը հավանության է արժանացրել հարցվածների 22․7%-ը, Ազգային ժողովինը՝ 54․7%-ը, Կառավարությանը՝ 67․9%-ը, նախագահի գործունեությունը՝ 79․3%-ը, վարչապետի գործունեությունը՝ 85%-ը»,- նշեց Արամ Նավասարդյանը:
Հարցման մասնակիցները նշել են նաև ներկայում պետության առջև ծառացած երեք խնդիրները։
«Ինչպես և սպասելի էր՝ որպես առաջնային խնդիր նշվել է կորոնավիրուսի համաճարակը՝ 52.5%, գործազրկությունը՝ 28.6%, ինչպես նաև տնտեսական վիճակ՝ 17.2%»,- ասաց «Էմ Փի ՋԻ» ՍՊԸ տնօրենը՝ նշելով, որ սովորաբար առաջին տեղում լինում էր գործազրկության խնդիրը։
Նշենք, որ հարցումներն իրականացվել են հեռախոսազանգերի միջոցով: Հարցմանը մասնակցել է 1․002 անձ, իսկ հետազոտության այլընտրանքային սխալի ցուցանիշը գնահատվել է 3%: Հետազոտությունն իրականացվել է հունիսի 10-27-ը:
