12.10.2026 | 22:23
ՆԱՏՕ-ի գլխավոր հրամանատարը ներկայացրել է ՌԴ-ի հնարավոր հարձակման դեպքում ծրագիրը՝ Կալինինգրադին ու Պետերբուրգին հարվածներով
2018-ից հետո ինստիտուտների նկատմամբ վստահությունն ավելացել է․ խորհրդարանին վստահում է 39%-ը. Համազասպ Դանիելյան. ՏԵՍԱՆՅՈՒԹ
Քաղաքականություն
03.07.2020 | 14:17
2018 թվականից հետո ինստիտուտների նկատմամբ վստահությունն ավելացել է, ընդ որում՝ ոչ միայն քաղաքական, այլև հասարակական։ Այս մասին այսօր «Ինստիտուտների նկատմամբ վստահությունը Հայաստանում» թեմայով քննարկման ժամանակ ասաց «Իմ քայլը» պատգամավոր Համազասպ Դանիելյանը՝ մեջբերելով Հետազոտական ռեսուրսների կովկասյան կենտրոնի (CRRC) «Կովկասյան բարոմետր» հետազոտության տվյալները։
«Օրինակ՝ բանակի նկատմամբ վստահությունը, որն ավանդաբար Հայաստանում եղել է թիվ մեկ վստահելի ինստիտուտը, հատկապես 2016 թվականից հետո և դրանից առաջ էլ, ընդհանուր առմամբ, նվազելու միտում ուներ, և ոչ թե հենց բանակով էր պայմանավորված, այլ ընդհանուր ինստիտուտների նկատմամբ վստահությամբ։ Այստեղ նորից տեսնում ենք, որ այդ բացասական միտումը կոտրվել է և ավելացել է»,- մասնավորապես նշեց պատգամավորը։
Նշենք, որ ըստ հետազոտության տվյալների՝ Հայաստանում ինստիտուտներից հանրային վստահության ամենամեծ պաշարն ունի բանակը՝ 88 տոկոս, որին հարցվածների 57 տոկոսը վստահում է «լիովին», իսկ 31 տոկոսը՝ «ավելի շուտ վստահում է»:
Մանրամասները՝ տեսանյութում։
