08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Կառավարության նկատմամբ վստահությունը 71% է, հետազոտությունն արվել է նախքան համավարակը․ Հրանտ Միքայելյան. ՏԵՍԱՆՅՈՒԹ
Հասարակություն
03.07.2020 | 13:45
Համաձայն Հետազոտական ռեսուրսների կովկասյան կենտրոնի (CRRC) «Կովկասյան բարոմետր» հետազոտության արդյունքների՝ հարցվածների 71%-ը վստահում է Կառավարությանը, 27%-ը՝ «լիովին», 44%-ը՝ «ավելի շուտ վստահում է»։ Այլ հարց է, թե Կառավարության վստահության տոկոսում որքան է հենց վարչապետի նկատմամբ վստահությունը։ Այս մասին այսօր «Ինստիտուտների նկատմամբ վստահությունը Հայաստանում» թեմայով քննարկման ժամանակ ասաց Կովկասի ինստիտուտի գիտաշխատող Հրանտ Միքայելյանը։
«Այն հարցումներում, որտեղ հարցնում են առանձին նախարարների վերաբերյալ, մենք տեսնում ենք՝ այդ տարբերությունը կա։ Մի քանի տեսական կամ ընդհանուր դիտողություններ նշեմ։ Դաշտի հետ կապված պետք է հասկանանք, որ որոշակի դժվարություններ կան։ Վերջին տարիների ընթացքում զգալի տոկոսը մերժում է մասնակցությունը սոցհարցումներին, որտեղ քաղաքական կոմպոնենտը կա»,- նշեց Միքայելյանը։
Նա նաև ընդգծեց, որ այս հարցումն իրականացվել է փետրվարից մինչև մարտի կեսը, իսկ մարտի կեսից ունենք արտակարգ դրություն, համավարակ, ինչից հետո պատկերը կարող էր փոխվել։
Մանրամասները՝ տեսանյութում։
